തിരുവനന്തപുരം : പ്രതിപക്ഷ ഉപനേതൃ പദവി കിട്ടിയേ തീരൂവെന്നും അക്കാ ര്യത്തില്‍ സിപിഐ ഉറച്ച് നില്‍ക്കുന്നുവെന്നും മുന്‍ മന്ത്രി കെ രാജന്‍.
ആ നിലപാടില്‍ ഒരു മാറ്റവുമില്ല. മാറ്റം ഉണ്ടാക്കാന്‍ ഉദ്ദേശിക്കുന്നില്ല. സംസ്ഥാന സെക്രട്ടറി അതേക്കുറിച്ച് വ്യക്തമായി പറഞ്ഞതാണ്. രാജന്‍ വ്യക്തമാക്കി.
ജനങ്ങളെ ബാധിക്കാത്ത വിഷയത്തില്‍ വാശിപിടിക്കരുതെന്ന് സംസ്ഥാന എക്സിക്യൂട്ടൂവ് യോഗത്തില്‍ ചില നേതാക്കള്‍ ചൂണ്ടിക്കാട്ടിയെന്ന വാര്‍ത്തകളോട് പ്രതികരിക്കുകയായിരുന്നു രാജന്‍. മുന്നണി തിരിച്ചടി നേരിടുന്ന ഘട്ടത്തില്‍ എല്ലാവരും ഒന്നിച്ച് നില്‍ക്കണമെന്നായിരുന്നു ചില അംഗങ്ങള്‍ പറഞ്ഞത്. എന്നാല്‍ ഇതിന്‌റെ പേരില്‍ പാര്‍ട്ടി നിലപാടില്‍ നിന്ന് പിന്നാക്കം പോയിട്ടില്ലെന്നാണ് രാജന്‍ വ്യക്തമാക്കുന്നത്.
