പാലാ: വലവൂരില് ഐഐഐ ടിക്കുവേണ്ടി ഏറ്റെടുത്തതുള്പ്പടെയുള്ള സ്ഥലത്ത് വന് തീപിടിത്തം. ഇതിനോട് ചേര്ന്നുള്ള പുരയിടങ്ങളിലും തീപടര്ന്ന് നൂറില് പരം റബ്ബര്മരങ്ങളും തേക്കും കത്തി നശിച്ചു. നിര്ദിഷ്ട ട്രിപ്പിള് ഐടിക്കായി ഏറ്റെടുത്തതില് ഏട്ട് ഏക്കറോളം സ്ഥലത്താണ് തീപടര്ന്നത്.
വെള്ളിയാഴ്ച ഉച്ചകഴിഞ്ഞ് 2 നാണ് സംഭവം .വൈകിട്ട് ആറുമണിയോടെയാണ് തീ നിയന്ത്രണ വിധേയമാക്കിയത്. തീ നിയന്ത്രിക്കാന് നാട്ടുകാര് ശ്രമിച്ചങ്കിലും സമീപത്തുള്ള സ്വകാര്യ വ്യക്തികളുടെ പുരയിടത്തിലേയ്ക്ക് പടരുകയായിരുന്നു. കാടന്കാവില് ബെന്നിയുടെ റബ്ബര്തോട്ടമാണ് കത്തിനശിച്ചത്. നൂറില്പരം റബ്ബര് മരങ്ങള്ക്ക് നാശം സംഭവിച്ചു. ഫിലിപ്പ് കുഴികുളത്തിന്റെ 60ല് പരം തേക്ക് മരങ്ങളും അഗ്നിക്കിരയായി.
ട്രിപ്പിള് ഐടിയ്ക്കായി ഏറ്റെടുത്ത സ്ഥലത്തെ ചെറുമരങ്ങളും പുല്മേടുകളുമാണ് കത്തിയത്.
ഡെപ്യൂട്ടി തഹസീല്ദാര് ഗീത, വള്ളിച്ചിറ വില്ലേജാഫീസര് രാജീവ് എന്നിവരുടെ നേതൃത്വത്തില് റവന്യൂ സംഘം സ്ഥലത്തെത്തി തീ നിയന്ത്രിക്കുവാന് നടപടികള് സ്വീകരിച്ചു.
വൈകിട്ട് ആറുമണിയോടെ നാട്ടുകാരുടെയും ഫയര്ഫോഴ്സിന്റെയും പരിശ്രമഫലമായി തീ നിയന്ത്രണ വിധേയമാക്കുകയായിരുന്നു.
