ശക്തമായ മത്സരം നടന്ന ഹൈസ്കൂള് വിഭാഗം സം സ്കൃത നാടകത്തില് ചാലപ്പുറം ഗവ. അച്യുതന് ഗേള് സ് എച്ച്എസ്എസ് വിദ്യാര് ത്ഥികള് അവതരിപ്പിച്ച മൃച്ഛകടികം സംസ്ഥാന തലത്തില് മത്സരിക്കാന് അര്ഹത നേടി. നാടകത്തില് ശകാരകന്റെ വേഷമിട്ട ഒമ്പതാം ക്ലാസ് വിദ്യാര് ത്ഥിനി എം. ദേവിക മികച്ച നടനായും തെരഞ്ഞെടുക്കപ്പെട്ടു. തിരുവണ്ണൂര് സ്വദേശികളായ മധു – ഇന്ദു ദമ്പതികളുടെ മകളാണ് ദേവിക. ബിസി രണ്ടാം നൂറ്റാണ്ടില് മഹാകവി ശൂദ്രകനാല് രചിക്കപ്പെട്ട മൃച്ഛകടികം നാടകത്തിന്റെ തനിമ ഒട്ടും ചോര്ന്നുപോവാതെയാണ് വിദ്യാര്ത്ഥിനികള് രംഗത്തവതരിപ്പിച്ചത്. സാധാരണ സംസ്കൃത പുരാണ നാടകങ്ങളില് നിന്നും വ്യത്യസ്തമായ സമകാലിക സമൂഹത്തിന്റെ സജീവ ചിത്രീകരണമായി നാടകം മാറി. എം. കാവ്യ, സുമി സുരേഷ്, ചൈത്ര, അഞ്ജലി, അതുല്യ, ആവണി, കൃഷ്ണപ്രിയ, വര്ണന, എം. ദേവിക, നവ്യ വിനോദ് എന്നീ വിദ്യാര്ത്ഥിനികളാണ് നാടകത്തില് വേഷമിട്ടത്. കൊടുമണ് ഗോപാലകൃഷ്ണനാണ് നാടകത്തിന്റെ രചനയും സംവിധാനവും നിര്വഹിച്ചത്. സ്കൂളിലെ സംസ്കൃത അദ്ധ്യാപിക എ.കെ. സില്ജയും കുട്ടികള്ക്ക് പിന്തുണയുമായി ഒപ്പമുണ്ടായിരുന്നു.
ഹൈസ്കൂള് വിഭാഗം സംസ്കൃത നാടകത്തില് മികച്ച നടിയായി തെരഞ്ഞെടുക്കപ്പെട്ടത് പൊയില്ക്കാവ് എച്ച്എസ്എസിലെ ടി.കെ. മാളവികയാണ്. നാഗാനന്ത എന്ന നാടകത്തില് വൃദ്ധയായ നാഗമായാണ് മാളവിക അരങ്ങിലെത്തിയത്.
