സാംസ്കാരിക രംഗത്തെ സിപിഎം ഫാസിസത്തിനെതിരെ കോഴിക്കോട് നടന്ന സാംസ്കാരിക സംഗമത്തില് കലാമണ്ഡലം പ്രശോഭ് അവതരിപ്പിച്ച അഭിപ്രായ ഫാസിസം ഓട്ടന് തുള്ളല്
കോഴിക്കോട്: കമ്മ്യൂണിസ്റ്റ് പാര്ട്ടികളുടെ ഫാസിസ്റ്റ് നടപടികളുടെ ഉള്ള് തുറന്ന് കിഡ്സണ് കോര്ണറില് ആക്ഷേപ ഹാസ്യത്തിന്റെ അരങ്ങ്. കോഴിക്കോട് സാംസ്കാരിക വേദി സംഘടിപ്പിച്ച ഇടതു ഫാസിസത്തിനെതിരെ സാംസ്കാരിക കൂട്ടായ്മയിലാണ് കലാമണ്ഡലം പ്രശോഭ് സിപിഎം ഫാസിസത്തിന്റെ നേര്കാഴ്ച അവതരിപ്പിച്ചത്. അഭിപ്രായ ഫാസിസം എന്ന ഓട്ടന്തുള്ളല് അരങ്ങുണര്ത്തി. അമ്പത്തിയൊന്ന് വെട്ട് കേരളത്തിന്റെ സാംസ്കാരിക രാഷ്ട്രീയ മണ്ഡലത്തില് ഉണ്ടാക്കിയ മുറിവിനെ അത് ഓര്മ്മിപ്പച്ചു. പശ്ചിമഘട്ട മലനിരകള് സംരക്ഷിക്കണമെന്നാവശ്യപ്പെട്ട് നടത്തിയ ധര്ണ്ണയില് പങ്കെടുത്ത തെയ്യം കലാകാരന് അനൂപിനെ എറിഞ്ഞുകൊന്ന കമ്യൂണിസ്റ്റ് കാടത്ത രാഷ്ട്രീയത്തിനെതിരെയുള്ള വരികള് ഏറെ ശ്രദ്ധേയമായി.
ഓട്ടന്തുള്ളലിന്റെ ചിട്ടവട്ടങ്ങള് തെറ്റാതെ സമകാലിക സംഭവങ്ങള് രംഗത്തവതരിപ്പിക്കാന് കഴിയുമെന്ന് തെളിയിക്കുകയായിരുന്നു പ്രശോഭ്. അഭിപ്രായ സ്വാതന്ത്ര്യത്തിന് അതിരുകളില്ലെന്നും അതിന് രാഷ്ട്രീയ മത വ്യത്യാസങ്ങളുടെ പേരില് അതിരുകള് നിര്ണ്ണയിക്കരുതെ ന്നും ഓട്ടന്തുള്ളല് ഓര്മ്മപ്പെടുത്തി. സാഹിത്യകാരന്മാരെ അക്കാദമിക സ്ഥാനങ്ങളും അവാര് ഡുകളും നല്കി അടിമപ്പെടുത്തുന്ന സിപിഎം സമീപനത്തെയും ഓട്ടന്തുള്ളല് പരിഹസിച്ചു കലാമണ്ഡലം അനീ ഷും കലാമണ്ഡലം രാജേഷും വായ്പ്പാട്ടും പക്കമേളവുമായി പ്രശോഭിന്റെ ഓട്ടന്തുള്ളലിന് മിഴിവേറ്റി
