കോഴിക്കോട്: ഗവ. ആര്ട്സ് ആന്റ് സയന്സ് കോളേജ് വിഭാവനം ചെയ്ത് നേതൃത്വം നല്കിയ ഭഗീരഥം പ്ലാസ്റ്റിക് പരിപാലനയജ്ഞം ഒന്നാം ഘട്ടം പൂര്ത്തിയാക്കി. നാടിനെ പുത്തന് മാലിന്യ സംസ്കരണ അവബോധത്തിലേക്ക് ഉയര്ത്തിയാണ് പരിപാടി മുന്നേറിയത്.
നഗരക്കൊയ്ത്ത്, വഴിയോരം, തൂശനില എന്നീ പരിപാടികളിലൂടെ വ്യാപാരികളെയും യാത്രക്കാരെയും വീട്ടുകാരെയും പ്ലാസ്റ്റിക് പരിപാലനത്തെക്കുറിച്ച് ബോദ്ധ്യപ്പെടുത്തി. പുനര്ജനി എന്ന പരിപാടിയിലൂടെ ജലാശയങ്ങള് ശുചീകരിച്ചു.
പ്ലാസ്റ്റിക് വൃത്തിയാക്കി. കടകളിലും വീടുകളിലും സൂക്ഷിക്കണമെന്നും കൂട്ടായ തീരുമാനത്തിലൂടെയും സംഘടിതമായ പ്രവര്ത്തനങ്ങളിലൂടെയും, ശേഖരിച്ച പ്ലാസ്റ്റിക് റീസൈക്ലിങ് കേന്ദ്രങ്ങളിലേക്ക് അയക്കണമെന്ന് വളണ്ടിയര്മാര് ജനങ്ങളെ ബോദ്ധ്യപ്പെടുത്തി. 105 എന്എസ്എസ് യൂണിറ്റുകളാണ് ഭഗീരഥവുമായി കൈകോ ര്ത്തത്.
ഹയര് സെക്കന്ററി, വൊ ക്കേഷണല് ഹയര് സെക്കന്ററി, ഐഎച്ച്ആര്ഡി കോളജ് തലങ്ങളിലുള്ള, പദ്ധതിയുമായി സഹകരിച്ച എന്എസ്എസ് പ്രോഗ്രാം ഓഫീസര്മാരുടെ പ്രവര്ത്തനമാണ് വിജയത്തിന് കാരണമായത്. പ്രോഗ്രാം ഓഫീസര്മാരുടെ നിര്ദ്ദേശത്തിന് വഴങ്ങി ജനുവരി 26 ഒരു ഭഗീരഥ ദിനമായി ആചരിക്കുവാന് തീരുമാനിച്ചു.
26 ന് എല്ലാവിദ്യാഭ്യാസസ്ഥാപനങ്ങളിലെയും എന്എസ്എസ് വളണ്ടിയര്മാരും വിദ്യാര്ത്ഥികളും അവരുടെ സ്ഥാപനത്തിന്റെ ചുറ്റവട്ടത്തുള്ള പ്രദേശത്തെ കടകള്, കടന്നുപോകുന്ന വാഹനങ്ങള്, വീടുകള് എന്നിവ തോറും പ്ലാസ്റ്റിക് പരിപാലനത്തിന്റെ സന്ദേശമെത്തിക്കുകയും സുസ്ഥിരമായ പ്ലാസ്റ്റിക് നീക്കത്തിനുള്ള സംവിധാനം ഒരുക്കുകയും ചെയ്യും. അന്നേ ദിവസത്തെ പ്രവര്ത്തനത്തിനാവശ്യമായ നോട്ടീസുകള് ഭഗീരഥം എന്എസ്എസ് യൂണിറ്റുകള്ക്കും വിദ്യാഭ്യാസ സ്ഥാപനങ്ങള്ക്കും നല്കും.
ജനുവരി 26 ന് നടക്കുന്ന ഭഗീരഥ പ്രയത്നത്തിലേക്ക് ജില്ലയിലെ എല്ലാ വിദ്യാഭ്യാസസ്ഥാപനങ്ങളെയും എന്എസ്എസ് യൂണിറ്റുകളെയും സ്വാ ഗതം ചെയ്യുന്നുവെന്ന് പ്രോ ഗ്രാം ജനറല്കണ്വീനര് ഗവ. ആര്ട്സ് ആന്റ് സയന്സ് കോളജ് പ്രിന്സിപ്പാള് പി.എസ്. ശിവരാമകൃഷ്ണന് അറിയിച്ചു. കൂടുതല്വിവരങ്ങള്ക്ക് ബന്ധപ്പെടുക: 944685 5973,7012033095
