മംഗലാപുരം: രമാശക്തിമിഷന് ആസ്ഥാനമായ ശക്തിനഗറില് നടന്നുവരുന്ന കേരള ഭക്തമണ്ഡലികളുടെ സംസ്ഥാന സാധനാ ശിബിരം വിളക്കുപൂജയോടെ സമാപിച്ചു. രവിവള്ളത്തോളിന്റ അധ്യക്ഷതയില് ചേര്ന്ന സമാധാന സംഗമത്തില് ലതീ നായര് തിരുവനന്തപുരം, വി.പി.നായര് തിരുവനന്തപുരം, ഡോ.പി.രമേശ് ബാബു കണ്ണൂര്, ഗോപികല്ലായ് അമേരിക്ക, ഡോ.മുരുകേശന് കോഴിക്കോട്, ടി.ഭാസ്കരന് കാവുംഭാഗം, പ്രൊഫ.ജയരാജ് പയ്യന്നൂര് എന്നിവര് പ്രസംഗിച്ചു. ഗോപി കല്ലായ് കുട്ടികള്ക്ക് ക്ലാസെടുത്തു. മീറാ ഗോപകുമാറിന്റെ നേതൃത്വത്തില് വിവിധ കലാപരിപാടികള് അരങ്ങേറി.
പുതിയ ഭാരവാഹികളായി രവി വള്ളത്തോള് (പ്രസിഡണ്ട്), ടി.ഭാസ്കരന് കാവുംഭാഗം (സെക്രട്ടറി), വി.പി.നായര് (സംസ്ഥാന ഓര്ഗനൈസര്), കലാവിഭാഗം ഭാരവാഹികളായി ഗീതാ ലക്ഷ്മി വള്ളത്തോള്, ലതീനായര്, മീറാ ഗോപകുമാര് എന്നിവരയും രമാശക്തിമിഷന് ദേശീയ കാര്യദര്ശി പ്രൊഫ.ദേവയ്യ പ്രഖ്യാപിച്ചു.
തിരുവനന്തപുരം മുതല് കണ്ണൂര്വരെയുള്ള കേന്ദ്രങ്ങളില് നിന്നായി നൂറുകണക്കിന് പ്രതിനിധികള് പങ്കടുത്തിരുന്നു.
