ആലപ്പുഴ: പുറക്കാട് ഗ്രാമപഞ്ചായത്തിലെ ആനന്ദേശ്വരം വാര്ഡ്, കൈനകരി ഗ്രാമപഞ്ചായത്തിലെ ചെറുകാലികായല് വാര്ഡ് എന്നിവിടങ്ങളിലെ ഉപതിരഞ്ഞെടുപ്പിന്റെ വോട്ടെടുപ്പ് ജനുവരി നാലിന് രാവിലെ ഏഴുമണിമുതല് വൈകുന്നേരം അഞ്ചുമണിവരെ നടക്കും.
ഉപതിരഞ്ഞെടുപ്പിനോടനുബന്ധിച്ച് മണ്ഡലങ്ങളുടെ പരിധിയില് വരുന്ന വോട്ടെടുപ്പ് കേന്ദ്രങ്ങള് പ്രവര്ത്തിക്കുന്ന സ്ഥാപനങ്ങള്ക്ക് ജനുവരി മൂന്ന്, നാല് തിയതികളില് അവധിയായിരിക്കും. മണ്ഡലങ്ങളിലെ മറ്റ് വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും തെരഞ്ഞെടുപ്പ് ദിവസമായ ജനുവരി നാലിന് അവധിയായിരിക്കും. സ്വീകരണ വിതരണ വോട്ടെണ്ണല് കേന്ദ്രങ്ങളായ പുറക്കാട് ഗ്രാമപഞ്ചായത്ത് ഓഫീസ് , കൈനകരി ഗ്രാമപഞ്ചായത്ത് ഓഫീസ് എന്നിവയ്ക്ക് ജനുവരി മൂന്ന്, നാല് തിയതികളിലും അഞ്ചാം തിയതി ഉച്ചവരെയും അവധി നല്കിയിട്ടുണ്ട്.
ഈ മണ്ഡലങ്ങളിലും , കൈനകരി ഗ്രാമപഞ്ചായത്ത് വാര്ഡ് രണ്ട്, ചെറുകാലി കായലിന്റെ പോളിങ് സ്റ്റേഷന് സ്ഥിതിചെയ്യുന്ന വാര്ഡ് മൂന്നിലെ കുട്ടമംഗലത്തും ജനുവരി രണ്ടണ്് വൈകിട്ട് അഞ്ചുമുതല് നാലിന് വൈകുന്നേരം അഞ്ചുമണിവരെയും വോട്ടെണ്ണല് ദിനത്തിലും എല്ലാ മദ്യഷാപ്പുകളും അടച്ചിടണമെന്ന് ജില്ലാ കളക്ടറുടെ ചുമതല വഹിക്കുന്ന എഡിഎം എം.കെ.കബീര് ഉത്തരവായി.
വോട്ടെടുപ്പ് ദിനമായ അഞ്ചിന് പുറക്കാട് ഗ്രാമപഞ്ചായത്ത് ഓഫീസ്, കൈനകരി ഗ്രാമപഞ്ചായത്ത് ഓഫീസ ് എന്നിവയുടെ രണ്ടുകിലോമീറ്റര് ചുറ്റളവില് മദ്യ നിരോധനം ഏര്പ്പെടുത്തി.
