ചെങ്ങന്നൂര്: ഉദ്യോഗസ്ഥന്റെ അനാസ്ഥമൂലം അപേക്ഷനല്കി രണ്ടുവര്ഷം കഴിഞ്ഞിട്ടും പെന്ഷന് ലഭിക്കാതെ ഒരു കുടുംബം. ചെങ്ങന്നൂര് വെണ്മണി കൊടിഞ്ഞൂര് വീട്ടില് പരേതനായ കെ.ജി. ഭാസ്ക്കരന് നായരുടെ ഭാര്യ രാജമ്മയാണ് സിവില് ഫാമിലി പെന്ഷന് അപേക്ഷ നല്കി രണ്ടു വര്ഷമായി കാത്തിരിക്കുന്നത്. വനം വകുപ്പില് ജോലി നോക്കിയിരുന്ന ഭാസ്ക്കരന് നായര് ഇടുക്കിയില് വനപാലകനായിരിക്കെയാണ് സര്വ്വീസില് നിന്നും വിരമിച്ചത്.
തുടര്ന്ന് ഡിഫന്സ് പെന്ഷനും കേരളാ സ്റ്റേറ്റ് സര്വ്വീസ് സിവില് പെന്ഷനും ലഭിച്ചിരുന്നു. 2008 മെയ് മാസം ഭാസ്ക്കരന് നായര് മരിച്ചു. ഇതേ തുടര്ന്ന് ഇദ്ദേഹത്തിന്റെ ഭാര്യ രാജമ്മയ്ക്ക് 2008 ജൂണ് മാസം മുതല് ഡിഫന്സ് ഫാമിലി പെന്ഷന് അനുവദിച്ചുകിട്ടി. എന്നാല് കേരള സര്ക്കാരിന്റെ ജി ഒ(പി) നമ്പര്427/2014 അനുസരിച്ച് സിവില് ഫാമിലി പെന്ഷനും അര്ഹതയുണ്ട്. ഡിഫന്സ് പെന്ഷന് ഒഴിവാക്കി സിവില് ഫാമിലി പെന്ഷനുവേണ്ടി രേഖകള് പൂര്ണ്ണ രൂപത്തില് സമര്പ്പിച്ചങ്കിലും ഒന്നരവര്ഷം കാത്തിരുന്നിട്ടും പെന്ഷന് അനുവദിച്ചില്ല.
അര്ഹതപ്പെട്ട പെന്ഷന് ലഭിക്കാതായതോടുകൂടി രാജമ്മയ്ക്ക് ജീവിതം ദുരിത പൂര്ണ്ണമായിരിക്കുകയാണ്. നിയമപരമായി ലഭിക്കേണ്ട ആനുകൂല്യം സമയബന്ധിതമായി നല്കാതെ അനാവശ്യ നടപടിക്രമങ്ങള് നടത്തിയ ഉദ്യോഗസ്ഥനെതിരെ ശക്തമായ നടപടി ആവശ്യപ്പെട്ട് കെഎസ്എസ്പിയു വെണ്മണി യൂണിറ്റ് പ്രസിഡന്റ് എസ്. സദാശിവന് വനംമന്ത്രിക്കും മുഖ്യമന്ത്രിക്കും പരാതി നല്കി.
