മഞ്ചേരി: കരിക്കാട് ശ്രീസുബ്രഹ്മണ്യ ധര്മ്മശാസ്താ ക്ഷേത്രത്തില് നടക്കുന്ന സ്കന്ദപുരാണ യജ്ഞവേദിയില് മാതൃസമിതി അവതരിപ്പിച്ച തിരുവാതിക്കളി ശ്രദ്ധേയമായി.
യജ്ഞവേദിക്ക് മുന്നില് ക്ഷേത്രമുറ്റത്ത് പ്രത്യേകം തയ്യാറാക്കിയ സ്ഥലത്ത് പെണ്കുട്ടികളും മുത്തശ്ശിമാരും അണിനിരന്ന തിരുവാതിര അരങ്ങേറി. പ്രായം മറന്ന് താളത്തില് അവതരിപ്പിച്ച തിരുവാതിര കാണികള്ക്ക് നവ്യാനുഭവമായി.
നടുവത്ത് ശാന്ത, കല്ല്യാണികുട്ടിയമ്മ നറുകര, വിളയ്ക്കാട്ട് വത്സല, പുളിക്കത്തൊടി രമണി, സിന്ധു എന്നിവര് പിന്നണിയിലും വേദിയിലും നേതൃത്വം നല്കി. കരിക്കാട്, ചെമ്പ്രശ്ശേരി, മേലാക്കം, അരുകിഴായ തുടങ്ങിയ ഭാഗങ്ങളില് നിന്നുള്ള മാതൃസമിതി പ്രവര്ത്തകര് പങ്കെടുത്തു.
ഇവര്ക്കുള്ള യജ്ഞസമിതിയുടെ പുരസ്കാരംം ഹിന്ദുഐക്യവേദി സംസ്ഥാന അദ്ധ്യക്ഷ കെ.പി.ശശികല ടീച്ചര് സമ്മാനിച്ചു.
