അമ്പലപ്പുഴ: അമ്പലപ്പുഴ എസ്ബിഐയില് കൗണ്ടറുകള് പ്രവര്ത്തിപ്പിക്കാതെ ഇടപാടുകാരെ വലയ്ക്കുന്നു. പിന്നില് ഇടതുപക്ഷ അനുകൂല ജീവനക്കാരെന്ന് ആരോപണം ശക്തമായി. ദിനംപ്രതി നൂറുകണക്കിന് ഇടപാടുകാരണ് ഈ ബാങ്കിലെത്തുന്നത്.
ഇടപാടു നടത്താന് ഒരുകൗണ്ടര് മാത്രം പ്രവര്ത്തിപ്പിക്കുന്നത് മണിക്കൂറുകളോളം ഇടപാടുകാര് ക്യൂനില്ക്കാനിടയാക്കുന്നു. പ്രതികരിക്കുന്നവരോട് കേന്ദ്ര സര്ക്കാരിനോട് പരാതി പറയാന് ബാങ്കിലെ ഉന്നത ഉദ്യോഗസ്ഥ പറഞ്ഞതായും ആരോപണമുണ്ട്. സിപിഎം അനുകൂല സംഘടനയിലെ ജീവനക്കാരായ ഇവര് നോട്ട് അസാധുവാക്കിയതിനെത്തുടര്ന്ന് ഇടപാടുകാരെ ദ്രോഹിക്കുന്ന നയമാണ് സ്വീകരിക്കുന്നത്.
ഇടപാടുകാരുടെ ബുദ്ധിമുട്ട് ഒഴിവാക്കാന് ബാങ്കുകളില് കൂടുതല് കൗണ്ടറുകള് തുറക്കുമെന്ന് റിസര്വ്വ് ബാങ്ക് പ്രഖ്യാപിച്ചെങ്കിലും ഈ തീരുമാനം ഇനിയും നടപ്പാക്കിയിട്ടില്ല. ബാങ്കിലെ ചില ഉദ്യോഗസ്ഥര് ഇടതുപക്ഷം നടത്തുന്ന മനുഷ്യച്ചങ്ങലയില് അണിചേരണമെന്ന് പറഞ്ഞതായും ഇടപാടുകാര് പറയുന്നു.
