ശ്രീവാത്മീകി അക്ഷരശ്ലോക
സദസ്സിന് ശ്രദ്ധേയമായ നേട്ടം
പുല്പ്പള്ളി : സ്കൂള് കലോത്സവങ്ങളില് ശ്രദ്ധേയമായ നേട്ടം കൈവരിച്ച് ശ്രീവാത്മീകി അക്ഷരശ്ലോക സദസ്സ്. പുല്പ്പള്ളി ശ്രീസീതാദേവി ലവകുശ ക്ഷേത്രത്തിലെ രാമായണ പഠനകേന്ദ്രത്തിന്റെ ഭാഗമായാണ് അക്ഷരശ്ലോക സദസ്സ് പ്രവര്ത്തിക്കുന്നത്. 1991ലാണ് കേരള ക്ഷേത്രസംരക്ഷണ സമിതി രാമായണപഠനകേന്ദ്രമെന്ന പേരില് ഇവിടെ മതപഠാശാല ആരംഭിച്ചത്. എന്നാല് അക്ഷരശ്ലോക സദസ്സ് ആരംഭിച്ചിട്ട് കേവലം രണ്ട് വര്ഷം മാത്രമായുള്ളു. പന്ത്രണ്ടോളം കുട്ടികള് നിലവില് ഇവിടെ അക്ഷരശ്ലോകം അഭ്യസിക്കുന്നുണ്ട്.
ബത്തേരിയില് നടന്ന ഉപജില്ലാ കലോത്സവത്തില് ഹൈസ്ക്കൂള് വിഭാഗത്തില് ഹൃദ്യ.പി.അനില്, എന്.അഭിമന്യു എന്നിവരും ഹയര്സെക്കണ്ടറി വിഭാഗത്തില് വിഷ്ണു ശ്രീനിവാസനും വിദ്യാനികേതന് ജില്ലാ കലോത്സവത്തില് ഗഗന്പാല് എന്നിവര് സമ്മാനങ്ങള് നേടി.
അക്ഷര ശ്ലോക പഠനത്തിലൂടെ ഭാഷാശുദ്ധി, അക്ഷര സ്ഫുടത, ഭാഷയോടുള്ള സ്നേഹം ഇവ വര്ദ്ധിക്കുന്നു എന്നു മാത്രമല്ല ഓര്മ്മ ശക്തിയും ഭാഷാജ്ഞാനവും വര്ദ്ധിക്കുകയും ചെയ്യുന്നു.കേരളത്തിന്റെ തനതായ ഒരു വിനോദകല കൂടിയാണ് അക്ഷര ശ്ലോകം. എല്ലാ ഞായറാഴ്ചകളിലും ക്ഷേത്രത്തില് നടക്കുന്ന രാമായണം, ഭഗവത്ഗീത, അക്ഷരശ്ലോകം ക്ലാസുകള്ക്ക് കബനിഗിരി നിര്മ്മല ഹൈസ്കൂളിലെ അധ്യാ പകരായ വി.മധു, ശ്രീനിവാസന് എന്നിവരാണ് നേതൃത്വം നല്കുന്നത്.
