കണ്ണൂര്: ഹരിതകേരളം മിഷന് രണ്ടാംഘട്ട പ്രവര്ത്തനങ്ങളുടെ ഭാഗമായി ജില്ലയിലെ എല്ലാ കുളങ്ങളും മാര്ച്ചിന് മുമ്പ് ശുചിയാക്കാന് ജില്ലാമിഷന് യോഗം തീരുമാനിച്ചു. പ്രവര്ത്തനങ്ങളുടെ രൂപരേഖ തയ്യാറാക്കാനാവശ്യമായ കാര്യങ്ങള് ജില്ലാ മിഷന് ചെയര്മാന് കൂടിയായ ജില്ലാ പഞ്ചായത്ത് പ്രസിഡണ്ട് കെ.വി.സുമേഷിന്റെ അധ്യക്ഷതയില് ചേര്ന്ന യോഗം ചര്ച്ച ചെയ്തു.
ജില്ലയില് 157 പൊതുകുളങ്ങള് ഉള്പ്പെടെ 1247 കുളങ്ങളാണുള്ളത്. പഞ്ചായത്ത് തലത്തില് പൊതു-സ്വകാര്യ കുളങ്ങളുടെ പട്ടിക ഇതിനകം തയ്യാറാക്കിയിട്ടുണ്ട്. ഓരോ കുളങ്ങളും ശുചീകരിക്കാനുള്ള പ്രവൃത്തികളുടെ വിശദമായ പ്രൊജക്ട് റിപ്പോര്ട്ട് തയ്യാറാക്കും. ഇതിനായി എല്എസ്ജിഡി, ചെറുകിട ജലസേചന വകുപ്പ്, തൊഴിലുറപ്പ് എഞ്ചിനീയറിങ്ങ് വിഭാഗം മേധാവികളുടെ യോഗം 20ന് കലക്ടറ്റേില് ചേരും. തദ്ദേശസ്ഥാപനാടിസ്ഥാനത്തിലായിരിക്കും കുളം ശുചീകരണത്തിനുള്ള പ്രൊജക്ട് തയ്യാറാക്കുക. പഞ്ചായത്ത്-നഗരസഭാ തലത്തില് രൂപീകരിക്കുന്ന ജനകീയ കമ്മിറ്റികളായിരിക്കും ഈ പ്രവൃത്തികള് നിര്വഹിക്കുക. വാര്ഡ് അടിസ്ഥാനത്തിലും കുളങ്ങള് കേന്ദ്രീകരിച്ചും പ്രത്യേക കമ്മിറ്റികളുമുണ്ടാകും. പരമാവധി ജനകീയ പിന്തുണയില് പ്രാദേശികമായി വിഭവ സമാഹരണം നടത്തി പ്രവൃത്തി പൂര്ത്തിയാക്കാന് യോഗത്തില് ധാരണയായി.
തുടര്ന്ന് പുനരുദ്ധാരണ പ്രവര്ത്തനങ്ങള് ആവശ്യമുള്ള കുളങ്ങള്ക്ക് തദ്ദേശസ്ഥാപനങ്ങളുടെ പദ്ധതി ഫണ്ടില് തുക വകയിരുത്താന് സര്ക്കാര് നിര്ദ്ദേശിച്ചിട്ടുണ്ട്. ഇതിനു പുറമെ എംഎല്എ-എംപി ഫണ്ട്, സര്ക്കാര് സഹായം എന്നിവയും ലഭ്യമാക്കാനാണ് ആലോചിക്കുന്നത്.
വനഭൂമിയാണെങ്കിലും നിലവില് മരങ്ങളില്ലാത്ത സ്ഥലങ്ങള് കണ്ടെത്തി മരം നട്ടുപിടിപ്പിക്കാനും പരിപാടിയുണ്ട്. റവന്യൂ-വനം വകുപ്പുകളും തദ്ദേശസ്ഥാപനങ്ങളും ഇത്തരം സ്ഥലങ്ങള് കണ്ടെത്തും. പ്രദേശത്തെ സന്നദ്ധ സംഘടനകള്ക്ക് ്രപത്യേകം സ്ഥലം നിശ്ചയിച്ച് മരം നട്ടുപിടിപ്പിക്കാനും പരിപാലിക്കാനുമുള്ള ചുമതല വീതിച്ചു നല്കാനാണ് നിര്ദേശമെന്ന് ജില്ലാ മിഷന് കണ്വീനറായ കലക്ടര് മീര് മുഹമ്മദലി അറിയിച്ചു.
വിനോദ സഞ്ചാര മേഖലകള് മാലിന്യ മുക്തമാക്കി സംരക്ഷിക്കാനുള്ള ചുമതല ഹയര്സെക്കണ്ടറി, കോളേജ് എന്എസ്എസ് യൂനിറ്റുകള്ക്ക് നല്കും. പുഴകളും മറ്റ് ജലസ്രോതസ്സുകളും പരിസരങ്ങളും മാലിന്യരഹിതമായി സംരക്ഷിക്കാന് അതത് പ്രദേശത്തെ വീടുകളില് എന്എസ്എസ് വളണ്ടിയര്മാരെ ഉപയോഗിച്ച് നിരന്തര ബോധവല്ക്കരണത്തിനും പരിപാടി തയ്യാറാക്കും. വീടുകളില് നിന്ന് സ്ഥിരമായി പ്ലാസ്റ്റിക് ശേഖരിക്കാനുള്ള നടപടികളും എന്എസ്എസ്-തദ്ദേശസ്ഥാപനങ്ങള് എന്നിവ വഴി സ്വീകരിക്കേണ്ടതുണ്ടെന്നും കലക്ടര് പറഞ്ഞു.
ബേ്ളാക്ക് പഞ്ചായത്ത് പ്രസിഡണ്ട് അസോസിയേഷന് സംസ്ഥാന ജനറല് സെക്രട്ടറി സി സത്യപാലന്, ഗ്രാമ പഞ്ചായത്ത് അസോസിയേഷന് ജില്ലാ സെക്രട്ടറി എ.കെ.ചന്ദ്രന്, ആന്തൂര് നഗരസഭ ചെയയര്പേഴ്സണ് പി.കെ.ശ്യാമള, വിവിധ വകുപ്പ് മേധാവികള് തുടങ്ങിയവര് സംബന്ധിച്ചു.
