കാക്കനാട് : നഗരത്തില് ഒണ്ലൈന് ടാക്സി യാത്രക്കാര്ക്ക് നേരെ അക്രമം രൂക്ഷമായതിനെ തുടന്ന് ഓട്ടോറിക്ഷകളില് ജില്ലാ കലക്ടര് നേരിട്ടത്തെി പരിശോധന നടത്തി. ജില്ലാ കലക്ടര് മുഹമ്മദ് വൈ സഫീറുല്ലയുടെ സാന്നിധ്യത്തില് നഗരത്തില് റെയില്വേ സ്റ്റേഷനുകള് കേന്ദ്രീകരിച്ച് മോട്ടോര് വാഹന വകുപ്പ് നടത്തിയ പരിശോധനയില് 38 ഓട്ടോറിക്ഷ ഡ്രൈവര്മാര് കുടുങ്ങി. നഗരത്തിലെ നോര്ത്ത്, സൗത്ത് റെയില്വേ സ്റ്റേഷനുകളില് ശനിയാഴ്ച വൈകിട്ട് ആറിന് തുടങ്ങിയ പരിശോധന ഞായറാഴ്ച പുലര്ച്ചെ 2.30നാണ് അവസാനിപ്പിച്ചത്. മോട്ടേര് വാഹന വകുപ്പ് പരിശോധന അവസാനിപ്പിക്കുന്നത് വരെ രണ്ട് സ്റ്റേഷനുകളിലും പ്രത്യക്ഷത്തില് രംഗത്ത് വരാതെ കലക്ടറുടെ സുക്ഷമ നീരീക്ഷണത്തിലായിരുന്നു നടപടികള്. ഔദ്യോഗിക വാഹനം ഉപേക്ഷിച്ച് മോട്ടോര് വാഹന വകുപ്പിന്റെ വാഹനത്തിലായിരുന്നു കലക്ടര് പരിശോധന നടപടികള് നിരീക്ഷിക്കാന് എത്തിയത്. പരിശോധനയില് കുടുങ്ങിയ ഓട്ടോ ഡ്രൈവര്മാരും യാത്രക്കാരും കലക്ടര് സമീപത്തുള്ള വിവരം അറിഞ്ഞിരുന്നില്ല. ഓണ്ലൈന് ടാക്സി യാത്രക്കാര് ആക്രമത്തിന് ഇരയാകുന്ന നോര്ത്ത് സൗത്ത് സ്റ്റേഷനുകളിലായിരുന്നു പരിശോധന.
രണ്ട് സ്റ്റേഷനുകളിലായി 246 ഓട്ടോറിക്ഷകള് പരിശോധിച്ചു. ഇതില് 13 ഓട്ടോറിക്ഷകള് വാഹനവകുപ്പ് പിടിച്ചെടുത്തു. റോഡ് ടാക്സ് അടക്കാതെ സര്വീസ് നടത്തിയ ഓട്ടോറിക്ഷകളാണ് വാഹനവകുപ്പ് അധികൃതര് പിടിച്ചെടുത്തത്. ഇന്ഷുറന്സ്, ലൈസന്സ്, പെര്മിറ്റ് നിയമ ലംഘനങ്ങള്ക്ക് കേസെടുത്തു പിഴചുമത്തി വിട്ടയച്ചു. നഗരത്തിലെ റെയില്വേ സ്റ്റേഷനുകളില് അടുത്തയിടെ ഓണ്ലൈന് ടാക്സികളില് യാത്രക്കൊരുങ്ങിയ സ്ത്രീ യാത്രക്കാകരെ ഓട്ടോറിക്ഷ ഡ്രൈവര്മാര് സംഘടിതമായി എത്തി ഡ്രൈവറെ കൈയേറ്റം ചെയ്യുകയും യാത്രക്കാരിയെ തെറിവിളിക്കുകയും ചെയ്ത സംഭവത്തില് പൊലിസ് നടപടിയെടുക്കാതെ ഒഴിഞ്ഞ് മാറിയത് ജനരോഷത്തിന് ഇടയാക്കിയിരുന്നു. ഓണ്ലൈന് ടാക്സി യാത്രക്കാര്ക്ക് ആവശ്യമായ സംരക്ഷണം നല്കാന് ഹൈക്കോടതി ഉത്തരവിട്ട സാഹചര്യത്തില് ആരെയും നിയമം കൈയിലെടുക്കാന് അനുവദിക്കില്ളെന്ന് ജില്ലാ കലക്ടര് വ്യക്മാക്കി. അടുത്ത ദിവസങ്ങളിലും പരിശോധന തുടരാനാണ് തീരുമാനം.
അതസമയം പരിശോധനക്കിടെ ഓട്ടോറിക്ഷ ഡ്രൈവര്മാര് സംഘടിതമായി എത്തി ഉദ്യോഗസ്ഥരുമായി തര്ക്കിച്ചെങ്കിലും പരിശോധന കര്ശനമാക്കുമെന്ന് വാഹന വകുപ്പ് അധികൃതര് വ്യക്തമാക്കിയതോടെ സംഘം പിരിഞ്ഞുപോവുകയായിരുന്നു. യാത്ര തടസ്സപ്പെടുത്തുന്ന ഓട്ടോ െ്രെഡവര്മാരുടെ സംഘത്തിനെതിരെ പോലിസ് നടപടി ശക്തമല്ലെന്ന് പരിശോധന നടത്തിയ വാഹനവകുപ്പ് അധികൃതര്ക്ക് വ്യക്തമായിട്ടുണ്ട്. അമിത കൂലി ഈടാക്കുന്ന ഓട്ടോറിക്ഷകള്ക്കെതിരെ പരാതി ഉയര്ന്നാലും പൊലിസ് നടപടി സ്വീകരിക്കാറില്ല. സെപ്യൂട്ടി ട്രാന്പോര്ട്ട് കമ്മീഷണര് കെ.ജി.സാമുവല്, ആര്.ടി.ഒ സാദിഖലി, എന്ഫോഴ്മെന്റ്് ആര്.ടി.ഒ സുരേഷ്കുമാര് എന്നിവരുടെ നേതൃത്വത്തില് നടത്തിയ പരിശോധനയില് മോട്ടോര് വെഹിക്കള് ഇന്സ്പെക്ടര്മാരും അസി.മോട്ടോര് വെഹിക്കള് ഇന്സ്പെക്ടര്മാരും പങ്കെടുത്തു.
