കോട്ടയം: 12-ാമത് കോട്ടയം ഹിന്ദു ധര്മ്മ പരിഷത്ത് 20മുതല് 26വരെ തിരുനക്കര ശിവശക്തി ഓഡിറ്റോറയത്തില് നടക്കും. മണ്ഡലവ്രതക്കാലത്ത് നടന്നുവരുന്ന പരിഷത്തില് ആദ്ധ്യാത്മിക ഗുരുക്കന്മാരും പണ്ഡിതന്മാരും പങ്കെടുക്കും.
20ന് വൈകിട്ട് 5ന് ദേവസ്വം ബോര്ഡ് പ്രസിഡന്റ് പ്രയാര് ഗോപാലകൃഷ്ണന് പ്രഭാഷണ പരമ്പര ഉദ്ഘാടനം ചെയ്യും. എസ്എന്ഡിപി യൂണിയന് പ്രസിഡന്റ് എ.ജി.തങ്കപ്പന് അദ്ധ്യക്ഷത വഹിക്കും. ശബരിമല അയ്യപ്പസേവാ സമാജം സംഘടനാ കാര്യദര്ശി വി.കെ. വിശ്വനാഥന്, ടി.സി.ഗണേശ്, ടി.സി.രാമാനുജം, ജയകുമാര് തിരുനക്കര, ജി.മോഹനചന്ദ്രന് തുടങ്ങിയവര് സംസാരിക്കും. ശിവഗിരി മഠത്തിലെ സച്ചിതാനന്ദസ്വാമി ‘പരമപുരുഷാര്ത്ഥം’ എന്ന വിഷയത്തില് പ്രഭാഷണം നടത്തും.
21ന് വൈകിട്ട് 5ന് ഭജന, 6ന് യുവത്വം നേരിടുന്ന ‘സാംസ്കാരിക പ്രതിസന്ധിയും പരിഹാരവും’ എന്ന വിഷയത്തില് കൊളത്തൂര് അദൈ്വതാശ്രമത്തിലെ ചിദാനന്ദപുരി സ്വാമിയുടെ പ്രഭാഷണം, അഡ്വ.എന്. ശങ്കര്റാം അദ്ധ്യക്ഷത വഹിക്കും.
22ന് വൈകിട്ട് 5ന് ഭജന, 6ന് ‘സമ്പൂര്ണ്ണ ജീവിത വിജയം സനാതന ധര്മ്മത്തിലൂടെ’ എന്നവിഷയത്തില് ഡോ.എന്.ഗോപാലകൃഷ്ണന് പ്രഭാഷണം നടത്തും. എന്എസ്എസ് താലൂക്ക് യൂണിയന് വൈസ് പ്രസിഡന്റ് പി. മധു അദ്ധ്യക്ഷത വഹിക്കും.
23ന് വൈകിട്ട് 5ന് ഭജന, 6മുതല് ഡോ. പി.വി.വിശ്വനാഥന് നമ്പൂതിരി ‘ഉപനിഷത് സന്ദേശം’ എന്ന വിഷയത്തില് പ്രഭാഷണം നടത്തും. എം.രാജഗോപാലന് നായര് അദ്ധ്യക്ഷത വഹിക്കും.
24ന് വൈകിട്ട് 5ന് ഭജന, 6മുതല് ‘അയ്യപ്പദര്ശനം’ എന്ന വിഷയത്തില് കൊല്ലം സാന്ദ്രാനന്ദ മഠത്തിലെ സ്വാമിനി ദേവി ജ്ഞാനാഭനിഷ്ഠ പ്രഭാഷണം നടത്തും. എ.അരവിന്ദന് അദ്ധ്യക്ഷത വഹിക്കും. 25ന് വൈകിട്ട് ഭജന, 6മുതല് പ്രൊഫ.വി.എം.നാരായണപ്പണിക്കര് ‘ആദ്ധ്യാത്മികതയും ഗീതയും’ എന്ന വിഷയത്തില് സംസാരിക്കും. കാണക്കാരി രവി അദ്ധ്യക്ഷത വഹിക്കും. 26ന് 5ന് ഭജന, 6മുതല് കാലടി സംസ്കൃത സര്വ്വകലാശാല അസോസിയോറ്റ് പ്രൊഫ. എം.വി.നടേശന് ‘വന്ദേഗുരു പരമ്പര’ എന്ന വിഷയം സംസാരിക്കും. ബ്രാഹ്മണ സമൂഹമഠം പ്രസിഡന്റ്എച്ച്.രാമനാഥന് അദ്ധ്യക്ഷത വഹിക്കും. 7.30 മുതല് പൊതിയില് നാരായണ ചാക്യാരുടെ ചാക്യാര്കൂത്ത് ഇവയാണ് പരിപാടികള്.
പരിപാടികളുടെ വിജയത്തിനായി എം.എസ്.പത്മനാഭന്(ചെയര്മാന്), ജി.മോഹനചന്ദ്രന്(പ്രസിഡന്റ്), പി.കെ.കൃഷ്ണന്, അഡ്വ.ചന്ദ്രമോഹന്(വൈസ് പ്രസിഡന്റ്), ടി.സി.ഗണേഷ്(സെക്രട്ടറി), ഡോ.എസ്.വി.പ്രദീപ്(ജോയിന്റ് സെക്രട്ടറി), എം.ബി.സുകുമാരന് നായര്(ട്രഷറര്), പി.ദാസപ്പന് നായര്(കണ്വീനര്) എന്നിവരടങ്ങുന്ന കമ്മിറ്റി രൂപീകരിച്ച് പ്രവര്ത്തിച്ച് വരുന്നു.
