പറവൂര് : പറവൂരില് നടക്കുന്ന 29-ാമത് റവന്യു ജില്ല സ്ക്കൂള് യുവജനോത്സവത്തെ ഹരിതാഭമാക്കി മാറ്റുമെന്ന് വി.ഡി. സതീശന് എംഎല്എ. എല്ലാ തലത്തിലും പരിസ്ഥിതി സൗഹാദര്മായ നിലപാടിനായിരിക്കും ഈ യുവജനോത്സവ വേദിയില് മുന്ഗണയെന്നും അദ്ദേഹം പറഞ്ഞു. ജില്ലയിലെ ഏറ്റവും വലിയ കലാമാമാങ്കത്തെ പറവൂരിന്റെ കലാപാരമ്പര്യത്തോടെ വരവേല്ക്കുമെന്ന് എംഎല്എ പറഞ്ഞു. കുറ്റമറ്റ രീതിയില് ഈ കലോത്സവത്തെ മാറ്റാനാണ് സംഘാടക സമിതി ശ്രമിക്കുന്നതെന്ന് അദ്ദേഹം കൂട്ടിചേര്ത്തു.
ജനുവരി 3 മുതല് 6 വരെ പറവൂരില് നടക്കുന്ന കലോത്സവത്തിന്റെ സംഘാടക സമിതി ഓഫീസ് ഗവ: ഗേള്സ് ഹയര് സെക്കന്ഡറി സ്ക്കൂളുകളില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നഗരസഭ ചെയര്മാന് രമേശ് ഡി. കുറുപ്പ് അധ്യക്ഷത വഹിച്ചു. മുനിസിപ്പല് വൈസ് ചെയര്മാന് ജെസ്സി രാജു, ഡി.ഡി.ഇ സി.എ. സന്തോഷ്, നഗരസഭ സ്ഥിരം സമിതി അധ്യക്ഷന്മാരായ ടി.വി. നിഥിന്, ഡെന്നി തോമസ്, ജലജ രവീന്ദ്രന്, പ്രദീപ് തോപ്പില്, പ്രതിപക്ഷ നേതാവ് കെ.എ വിദ്യാനന്ദന്, പബ്ലിസിറ്റി കണ്വീനര് കെ.എ. നൗഷാദ്, ജയ് പ്രദീപ് സി.എസ്, പോള് ജോസഫ്, സജിത്ത്, കെ.യു. അബദുള് റഹീം ഫാറുഖി, സന്തോഷ് വി.കെ. സിദ്ദീഖ് സി.എസ്. ഫ്രാന്സിസ് വി.പി., ഗുഡ്സണ് സി.ജെ, ഹെഡ്മിസ്ട്രസ് ഗീതാകുമാരി എ.ആര്, പ്രിന്സിപ്പല് സുധ എസ്, പി.ടി.എ പ്രസിഡന്റ് കെ.കെ. രാജു എന്നിവര് സംസാരിച്ചു.
കലോത്സവത്തിന്റെ രജിസ്ട്രേഷന് 22 ന് വ്യഴാഴ്ച്ച രാവിലെ 10 ന് മുഖ്യ വേദിയായ ഗവ: ഗേള്സ് ഹയര് സെക്കന്ഡറി സ്ക്കൂളില് നടക്കുമെന്ന് ജനറല് കണ്വീനര് ഡി.ഡി.ഇ. സി.എ സന്തോഷ് അറിയിച്ചു.
