കാട്ടിക്കുളം : കഴിഞ്ഞ ദിവസം രാത്രിയില് കോരിയ കക്കൂസ് മാലിന്യം പാല്വെളിച്ചം കുടിവെള്ളപദ്ധതിയായ കുറുവദ്വീപ് പുഴയില് ഒഴുക്കിയതായി ആരോപിച്ച് നാട്ടുകാ രുടെ പ്രതിഷേധം.
രണ്ടാഴ്ചയായി കക്കൂസ് മാലിന്യം നിറഞ്ഞ് പരസ്യമായി റോഡിലും, പുഴയിലും നിറഞ്ഞൊഴുകിയിട്ടും നടപടിയെടുക്കാത്ത അധികൃതര് ഒറ്റരാത്രിക്കൊണ്ട് മാലിന്യം കോരി പുഴയില് നിക്ഷേപിച്ചുവെന്നാണ് നാ ട്ടുകാര് ആരോപിക്കു ന്നത്. ടൂറിസം കേന്ദ്രത്തിലെ വിവിധ കെട്ടിടങ്ങള്, ക്വാര്ട്ടേഴ്സുകള് എന്നിവയില് നിന്ന് നിറയുന്ന കക്കൂസ് വിസര്ജ്ജ്യം പൈപ്പ് വഴി നേരിട്ട് പുഴയിലേക്കാണ് ടൂറിസം അധീകൃതര് ഒഴിക്കിവിടുന്നതെന്ന് നാട്ടുകാര് പറഞ്ഞു. ലക്ഷക്കണക്കിന് വരുമാനമുള്ള ഇവിടെ ഒരടിസ്ഥാന സൗകര്യങ്ങളൊരുക്കാന് അധികൃതര് നടപടിയെടുക്കുന്നില്ലെന്നും ആരോപണമുണ്ട്.
എന്നാല് രാത്രിയില് കോരിയ മാലിന്യം ടാങ്കില് നിറച്ച് കല്പ്പറ്റയില് നിക്ഷേപിച്ചെന്നും പുഴയില് തള്ളിയിട്ടില്ലെന്നുമാണ്. മാനേജര് ബൈജു ജോസഫിന്റെ പ്രതികരണം. പ്രദേശവാസികള് നിഷേധിച്ചിട്ടുണ്ട്. നിയമപ്രകാരം ടെന്ഡര് നല്കി നോട്ടീസ് പതിച്ച് ചെയ്യേണ്ട പ്രവര്ത്തിയെങ്ങനെയാണ് മാനേജരുടെ ഇഷ്ടപ്രകാരം ചെയ്തതെന്നാണ് ആ ക്ഷേപം.
കക്കൂസ് വിസര്ജ്ജ്യത്തിലും അഴിമതി നടത്തുന്ന മാനേജരെ പുറത്താക്കണമെന്ന് നാട്ടുകാര് ആവശ്യപ്പെട്ടു. കുറുവാദ്വീപ് ടൂറിസ്റ്റ് കേന്ദ്രം നശിപ്പിക്കാനാണ് ചില സ്റ്റാഫും മാനേജരും ചേര്ന്ന് നട ത്തുന്ന പ്രവര്ത്തനമെന്നും ആക്ഷേപമുണ്ട്.
