കാഞ്ഞാര്: പിക്കപ്പ് വാനിടിച്ച് മൂന്ന് വിദ്യാര്ത്ഥികള്ക്ക് പരിക്ക്. മൂലമറ്റം വൊക്കേഷണല് ഹയര് സെക്കന്ററി സ്കൂളിലെ പ്ലസ്ടു വിദ്യാര്ത്ഥികള്ക്കാണ് പരിക്കേറ്റത്. കുളമാവ് പുതുപറമ്പില് അനിലിന്റെ മകള് അനഘ, അറക്കുളം കുരിയാലില് രാജന്റെ മകള് അമൃത, കോളപ്ര കണ്ടത്തില് മോഹനന്റെ മകള് മേഘ എന്നിവര്ക്കാണ് അപകടത്തില് പരിക്കേറ്റത്. ഇന്നലെ ഉച്ചയ്ക്ക് 12.45 ഓടെ സ്കൂളിന് മുന്വശത്താണ് അപകടം നടന്നത്.
പരീക്ഷ കഴിഞ്ഞ് റോഡരികിലൂടെ നടന്ന് പോകുകയായിരുന്ന വിദ്യാര്ത്ഥികളെ സമീപത്തെ പോക്കറ്റ് റോഡില് നിന്നും മെയിന് റോഡിലേയ്ക്ക് കയറിയ പിക്കപ്പ് വാന് ഇടിക്കുകയായിരുന്നു. പരിക്കേറ്റ വിദ്യാര്ത്ഥികളെ സമീപത്തെ സ്വകാര്യ ആശുപത്രിയില് പ്രവേശിപ്പിച്ചു. തലയ്ക്ക് സാരമായി പരിക്കേറ്റ കുളമാവ് സ്വദേശി അനഘയെ കോലഞ്ചേരിയിലെ സ്വകാര്യ ആശുപത്രിയിലേക്ക് മാറ്റി. സംഭവം കണ്ട് ബോധരഹിതയായ ഒരു വിദ്യാര്ത്ഥിയെ പ്രാഥമിക ചികിത്സ നല്കി വിട്ടയച്ചു.
