കോലഞ്ചേരി: ബിഎംഎസ് കുന്നത്തുനാട് മേഖലാ കമ്മിറ്റിയുടെ നേതൃത്വത്തില് ഒരു നിര്ദ്ദന കുടുംബത്തിന് സ്വപ്ന സാക്ഷാത്കാരം. ഐരാപുരം റബ്ബര്പാര്ക്ക് യൂണിറ്റാണ് ഓലമേഞ്ഞ ഒറ്റമുറി ഷെഡില് ഡിഗ്രിക്ക് പഠിക്കുന്ന മകളുമായി കഴിയുന്ന കുടുംബത്തിന് വീട് നിര്മ്മിച്ച് നല്കുന്നു. കൂലി പണിയെടുത്തു ജീവിതം മുന്നോട്ടുകൊണ്ടു പോകാന് ശ്രമിക്കുന്ന വളയന്ഞ്ചിറങ്ങര ഇടത്താക്കര മണിയ്ക്കും ഭാര്യ സൗദാമിനിമണിക്കുമാണ് ചിരകാല സ്വപ്നം ബിഎംഎസിന്റെ പരിശ്രമത്തിലൂടെ പൂവണിയുന്നത്.
ഏകദേശം 8 ലക്ഷം രൂപമുടക്കില് പണിയുന്ന 900 സ്ക്വയര് ഫീറ്റ് വീടാണ് പണി പൂര്ത്തിയായിക്കൊണ്ടിരിക്കുന്നത്. ബിഎംഎസ് മേഖല പ്രസിഡന്റ് ഷിബിതങ്കപ്പന്, സെക്രട്ടറി കെ.എസ്. മോഹനന്, സാജു റബ്ബര്പര്ക്ക്, സുമേഷ് വെളിയാനെല്ലൂര്, സൂരജ് കാണിനാട്, വത്സന് കടയ്ക്കാനാട് തുടങ്ങിയവരാണ് പ്രവര്ത്തനങ്ങള്ക്ക് നേതൃത്വം കൊടുക്കുന്നത്. ഇന്ത്യയിലെ ഏറ്റവും വലിയ തൊഴിലാളി പ്രസ്ഥാനമായ ബിഎംഎസി ന് ഇത്തരം സേവനപ്രവര്ത്തനങ്ങള് ആദ്യമല്ലെന്നും പാവപ്പെട്ട തൊഴിലാളികളുടെ ക്ഷേമ പ്രവര്ത്തനങ്ങളില് എന്നും ബിഎംഎസ് മുന്നില് തന്നെയുണ്ടാകുമെന്നും മേഖല സെ ക്രട്ടറി കെ.എസ്.മോഹനന് പറഞ്ഞു.
