മണ്ഡല മഹോത്സവത്തോടനുബന്ധിച്ച് കല്പ്പറ്റ ശ്രീ മാരിയമ്മന് ദേവി ക്ഷേത്രത്തില് നടന്ന കന്നി പൂജയില് അയ്യപ്പ ഭക്തര് ഗുരുസ്വാമിമാരുടെ പാദം കഴുകുന്നു
കല്പ്പറ്റ: കല്പ്പറ്റ ശ്രീ മാരിയമ്മന് ദേവി ക്ഷേതത്തില് മണ്ഡല മഹോത്സവത്തിന്റെ ഭാഗമായി എ.എസ്. ബാലമുരുകനും കറപ്പസാമിയും സംഘവും ഭക്തിനിര്ഭരമായ കന്നിപൂജ എന്ന വിശേഷാല് പൂജ നടത്തി. ശബരിമല കയറാന് വ്രതമെടുത്തിട്ടുള്ള നൂറുകണക്കിന് കന്നി സ്വാമിമാര്, ഗുരുസ്വാമിമാരുടെ പാദം കഴുകുന്ന ചടങ്ങ് വീക്ഷിക്കാന് നൂറുകണക്കിന് അയ്യപ്പ ഭക്തന്മാര് എത്തിയിരുന്നു. കുമാരി കന്നിലക്ഷ്മി ദീപം തെളിച്ചതോടെ ചടങ്ങുകള്ക്ക് തുടക്കമായി. കന്നി പൂജക്ക് ശേഷം മാരിയമ്മന് ദേവി ഭജനസംഘത്തിന്റെ ഭജനയും പ്രസാദ ഊട്ടും നടത്തി. ചടങ്ങുകള്ക്ക് കെ. രാജന്, എം. മോഹനന്, വിജയന് പട്ടിക്കര, വി.െക. ബിജു, ടി. മോഹനന്, സുരേഷ്കുമാര് എന്നിവര് നേതൃത്വം നല്കി.
