പാപ്പിനിശ്ശേരി: കല്ല്യാശ്ശേരിയിലെ ആയുര്വ്വേദ ഡോക്ടറായ ഡോ.നിതയുടെ പുതിയ ക്ലിനിക്കിനു നേരേയും സിപിഎം ആക്രമണം. കഴിഞ്ഞമാസം വി.എം.സുധീരന് ഉദ്ഘാടനം ചെയ്ത കല്യാശേരിയിലെ ഡോ.നിത പി.നമ്പ്യാരുടെ ക്ലിനിക്കിന്റെ ബോര്ഡും ബാനറുമാണ് കഴിഞ്ഞദിവസം രാത്രിയുടെ മറവില് നശിപ്പിച്ചത്. ബുധനാഴ്ച രാത്രി 10.15 ഓടെയായിരുന്നു അക്രമം. സിപിഎം സ്വാധീനമേഖലയായ കല്യാശേരിയില് പഞ്ചായത്ത് തെരഞ്ഞെടുപ്പില് മത്സരിച്ച യുഡിഎഫ് സ്ഥാനാര്ഥി ഭാനു വിദ്യാധരന്റെ മകളാണ് നിത.
രാഷ്ര്ടീയവിരോധം കാരണം നിതയുടെ കല്യാശേരിയില് പ്രവര്ത്തിച്ചിരുന്ന ക്ലിനിക്കിനുനേരേ പലപ്പോഴും സിപിഎം ആക്രമണം നടത്തിയിരുന്നു. ഇതേത്തുടര്ന്ന് ഇത് പൂട്ടിയിരുന്നു. പിന്നീട് ഇവരുടെ വീടിനു സമീപത്തായി പുതിയ ക്ലിനിക്ക് ആരംഭിക്കുകയായിരുന്നു. ഇതിന്റെ ബോര്ഡും ബാനറുമാണ് സിപിഎം സംഘം രാത്രിയുടെ മറവില് തകര്ത്തത്. ഡോ.നീതയുടെ പിതാവ് വിദ്യാധരന്റെ പരാതിയില് പോലീസ് കേസെടുത്ത് അന്വേഷണം ആരംഭിച്ചു.
ഡിജിറ്റല് കണ്ണൂര്: ജില്ലാതല ക്യാമ്പയിന് ഉദ്ഘാടനം ചെയ്തു
കണ്ണൂര്: ഡോ:എപിജെ അബ്ദുള് കലാം സെന്റ്റര് ഫോര് ഡവലപ്മെന്റ് കേരളയുടെയും ബിജെപി കണ്ണൂര് ജില്ലാ കമ്മിറ്റിയുടെയും ആഭിമുഖ്യത്തില് ‘ഡിജിറ്റല് കണ്ണൂര്’ കറന്സിരഹിത സമൂഹം എന്ന ക്യാമ്പയിന്റെ ഭാഗമായി ബോധവല്ക്കരണ പരിപാടി നടത്തി. കണ്ണൂര് തെക്കിബസാര്, പഴയ ബസ് സ്റ്റാന്റ് തുടങ്ങിയ സ്ഥലങ്ങളില് വ്യാപാരികള്ക്കും പൊതുജനങ്ങള്ക്കും മൊബൈല് ബാങ്കിങ്ങിനേക്കുറിച്ചും സൈ്വപ്പിംഗ് മിഷ്യനേക്കുറിച്ചും മറ്റും ബിജെപി പ്രവര്ത്തകര് ബോധവല്ക്കരണം നടത്തി.
ഓട്ടോറിക്ഷയില് യാത്ര ചെയ്ത് മൊബൈല് ബാങ്കിംഗ് വഴി യാത്രക്കൂലിയായ 20 രൂപ എസ്ബിഐ ബഡ്ഡി ആപഌക്കേഷന് മുഖാന്തിരം ഓട്ടോ ഡ്രൈവര്ക്ക് അയച്ച് ബിജെപി സംസ്ഥാന സെല് കണ്വീനര് കെ.രഞ്ചിത്ത് ഉദ്ഘാടനം ചെയ്തു.
ബിജെപി ജില്ലാ പ്രസിഡണ്ട് പി.സത്യപ്രകാശ്, ദേശിയ സമിതിയംഗം പി.കെ.വേലായുധന്, സംസ്ഥാന കൗണ്സില് അംഗം വി.വി.ചന്ദ്രന്, ജില്ലാ സെക്രട്ടറി കൂട്ട ജയപ്രകാശ്, ജില്ലാ വൈസ് പ്രസിഡണ്ടുമാരായ കെ.രാധാകൃഷ്ണന്, വിജയന് വട്ടിപ്രം, ജില്ലാ ട്രഷറര് എ.ഒ.രാമചന്ദ്രന്, യുവമോര്ച്ച സംസ്ഥാന സമ്മിതി അംഗം പി.എ.റിത്തേഷ്, ബിജെപി നേതാക്കളായ കെ.പ്രശോഭ്, ബിനില് കണ്ണൂര്, കെ.രതീഷ്, ടി.ബിജു തുടങ്ങിയവര് നേതൃത്വം നല്കി.
