കണ്ണൂര്: സംസ്ഥാന സര്ക്കാര് നടപ്പിലാക്കുന്ന വിവര സാങ്കേതിക വേതന വിതരണ സംവിധാനമായ വേതന സുരക്ഷാ പദ്ധതി സംബന്ധിച്ച് കണ്ണൂര് ജില്ലയിലെ തൊഴിലുടമകള്ക്ക് വേണ്ടി ശില്പശാല സംഘടിപ്പിച്ചു. തൊഴില് വകുപ്പും നോര്ത്ത് മലബാര് ചേമ്പര് ഓഫ് കൊമേഴ്സും സഹകരിച്ചാണ് ശില്പശാല നടത്തിയത്.
സംസ്ഥാനതൊഴില് വകുപ്പിന്റെ ഔദ്യോഗിക വെബ് സൈറ്റ് മുഖേനയാണ് തൊഴിലുടമകള് വേതന സുരക്ഷാ പദ്ധതിയില് രജിസ്റ്റര് ചെയ്യേണ്ടത്. തൊഴില് സ്ഥാപനത്തെ സംബന്ധിച്ചും തൊഴിലാളികളെ സംബന്ധിച്ചുമുള്ള വിവരങ്ങള് സമര്പ്പിച്ചുകൊണ്ട് തൊഴിലാളികളെ ബാങ്ക് അക്കൗണ്ടിലേക്ക് വേതനവും മറ്റ് ആനുകൂല്യങ്ങളും നല്കുന്നതുമാണ് പദ്ധതി.
ശില്പശാലയില് ജില്ലാ ലേബര് ഓഫീസര് (
എന്ഫോഴ്സ്മെന്റ്) ബേബി കാസ്ട്രോ സ്വാഗതം പറഞ്ഞു. ഉത്തരമേഖലാ ജോയിന്റ് ലേബര് കമ്മീഷണര് കെ.എം.സുനില് അധ്യക്ഷത വഹിച്ചു. നോര്ത്ത് മലബാര് ചേമ്പര് ഓഫ് കൊമേഴ്സ് പ്രസിഡണ്ട് സി.വി.ദീപക്, ജില്ലാ ലീഡ് ബാങ്ക് മാനേജര് സന്തോഷ് പി. എന്നിവര് ആശംസകള് നേര്ന്നു.
മാസ്റ്റര് ട്രെയ്നി പ്രഭീഷ് സാങ്കേതിക പരിശീലന ക്ലാസ് നല്കി. അസിസ്റ്റന്റ് ലേബര് ഓഫീസര് രാമചന്ദ്രന് സി.സി.നന്ദി പറഞ്ഞു.
