ഹരിപ്പാട്: മാതാ അമൃതാനന്ദമയിയുടെ 63-ാം പിറ ന്നാള് ആഘോഷത്തിന്റെ ഭാഗമായി ജില്ലയിലെ നിര്ദ്ധനരായ വിദ്യാര്ത്ഥികള്ക്കായി മാതാ അമൃതാനന്ദമയി മഠം അനുവദിച്ച വിദ്യാമൃതം സ്കോളര്ഷിപ്പിന്റെ വിതരണം അഞ്ചിന് ആരംഭിക്കും.
അമൃത സ്വാശ്രയസംഘങ്ങള്, അമൃതസേവാ സമിതികള്, അമൃത കുടുംബങ്ങള് എന്നിവ വഴി 2013 – 14 വര്ഷം അനുവദിച്ച സ്കോളര്ഷിപ്പ് വിതരണമാണ് അഞ്ചുമുതല് നടക്കുക. ആറാട്ടുപുഴ – തൃക്കുന്നപ്പുഴ പഞ്ചായത്തുകളിലെ കുട്ടികള്ക്കുള്ള സ്കോളര്ഷിപ്പ് വിതരണം അഞ്ചിന് രാവിലെ 10 മുതല് തറയില്ക്കടവ് കുറിയപ്പശേരില് ദേവസ്വം സ്ക്കൂളിലും അമ്പലപ്പുഴ, കുട്ടനാട് താലൂക്കിലെ സ്ക്കോളര്ഷിപ്പ് വിതരണം ആറിന് രാവിലെ 10 മുതല് ആലപ്പുഴ പറവൂര് മാതാ അമൃതാനന്ദമയി മഠത്തിലും നടക്കും.
കാര്ത്തികപ്പള്ളി, മാവേലിക്കര താലൂക്കുകളിലെ വിതരണം ഏഴിന് രാവിലെ 10 മുതല് കരുവാറ്റയിലുള്ള അമൃതശ്രീ ജില്ലാ ഓഫീസിലും ചേര്ത്തല താലൂക്കിലെ സ്കോളര്ഷിപ്പ് വിതരണം എട്ടിന് രാവിലെ 10 മുതല് മായിത്തറ ശ്രീമുരുക പ്രസിലും നടക്കും. സ്ക്കോളര്ഷിപ്പിന് അര്ഹരായ വിദ്യാര്ത്ഥികളുടെ രക്ഷിതാക്കള് ആശ്രമ ശാഖകളില് നിന്നും അനുവദിച്ച കാര്ഡുകളുമായി വന്ന് ഈ ആനുകൂലത്തിനുള്ള ചെക്കുകള് സ്വീകരിക്കണമെന്ന് അമൃതസ്വാശ്രയസംഘം ചീഫ് കോ – ഓഡിനേറ്റര് ആര്. രംഗനാഥന് അറിയിച്ചു.
