ബാലുശ്ശേരി: പതിമൂന്നാമത് ഭാരതീയം ധര്‍മ്മപ്രഭാഷണ പരമ്പരയ്ക്ക് നന്മണ്ട നഞ്ചുണ്ടേശ്വരത്ത് നാളെ തിരിതെളിയും. സാംസ്‌കാരിക ഘോഷയാത്ര, ധര്‍മ്മപ്രഭാഷണങ്ങള്‍, സമാദരണം, കലാസാംസ്‌കാരിക പരിപാടികള്‍, യോഗപരിശീലനം, വിദ്യാഗോപാലാര്‍ച്ചന തുടങ്ങിയ പരിപാടികളോടെയാണ് ഭാരതീയം 2016 നടക്കുന്നതെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. നാളെ വൈകീട്ട് അഞ്ചിന് തളി ക്ഷേത്രപരിസരത്ത് നിന്നും സാംസ്‌കാരികാഘോഷ യാത്ര ആരംഭിക്കും. ആറിന് ഭരതനാട്യത്തോടെ ചിട്ടപ്പെടുത്തിയ രംഗപൂജയ്‌ക്ക് ശേഷം വയലാര്‍ സാഹിത്യ അവാര്‍ഡ് ജേതാവ് യു.കെ. കുമാരന്‍ ഉദ്ഘാടനം നിര്‍വ്വഹിക്കും. സ്വാമി ചിദാനന്ദപുരി, കെ.പി. ശശികല ടീച്ചര്‍, എ. ഗോപാലകൃഷ്ണന്‍, ഡോ.ടി.എസ്. വിജയന്‍ കാരുമാത്ര, ഡോ. എന്‍. ആര്‍. മധു, സ്വാമി അദ്ധ്യാത്മാനന്ദ സരസ്വതി തുടങ്ങിയവര്‍ ആധ്യാത്മീകവും സാമൂഹികവുമായ വിഷയങ്ങളില്‍ പ്രഭാഷണം നടത്തും. ഭാരതീയത്തിന്റെ സന്ദേശം വിളംബരം ചെയ്തുകൊണ്ടുള്ള ഇരുചക്ര വാഹന സന്ദേശയാത്ര ഇന്ന് വൈകീട്ട് 4.30ന് സംസ്‌കൃതി ഓഫീസ് പരിസരത്തുനിന്നും ആരംഭിക്കും.
28 മുതല്‍ പകല്‍ സമയങ്ങളില്‍ തയ്യല്‍-കട്ടിംഗ് പരിശീലനം, കൂണ്‍കൃഷി പരിശീലനം, പേപ്പര്‍ ബേഗ് നിര്‍മ്മാണ പരിശീലനം തുടങ്ങിയവയും സംഘടിപ്പിച്ചിട്ടുണ്ട്. 2500 പേര്‍ക്ക് ഇരിക്കാവുന്ന ഓഡിറ്റോറിയവും ആകര്‍ഷണീയമായ വേദിയുടേയും കവാടത്തിന്റെയും നിര്‍മ്മാണ പ്രവര്‍ത്തനങ്ങള്‍ അവസാനഘട്ടത്തി ലാണെ ന്നും സംഘാടകര്‍ പറഞ്ഞു. വാര്‍ത്താസമ്മേളനത്തില്‍ സംസ്‌കൃതി അധ്യക്ഷന്‍ സി.കെ. രാധാകൃഷ്ണന്‍, സ്വാഗതസംഘം ചെയര്‍മാ ന് പി.കെ. രാജന്‍, ജനറല്‍ കണ്‍വീനര്‍ പി. സതീഷ്‌കുമാര്‍, മീഡിയ കമ്മിറ്റി കണ്‍വീനര്‍ വിനോദ് വലിയപറമ്പില്‍ എന്നിവര്‍ സംബന്ധിച്ചു.
