മുംബൈ: ഐഐടി വിദ്യാര്ഥികളുടെ സഹായത്തോടെ മഹാരാഷ്ട്രയിലെ ഭീകരവിരുദ്ധ സ്ക്വാഡ് ഐഎസിനെതിരായ നീക്കം ശക്തമാക്കി.
ഐഎസിന്റെ സൈബര് ഭീഷണി അങ്ങനെ തകര്ത്ത എടിഎസ്, ഐഎസില് ചേരാനൊരുങ്ങിയ 24 വിദ്യാര്ഥികളെ മടക്കിക്കൊണ്ടുവരികയും ചെയ്തു. ഐഎസില് ആകൃഷ്ടരായ ഇവരെ ഉപദേശങ്ങളിലൂടെയും വരുംവരായ്കകള് ബോധ്യപ്പെടുത്തിയുമാണ് മനംമാറ്റിയത്.
ഈ വര്ഷമാണ് 24 വിദ്യാര്ഥികള് മഹാരാഷ്ട്രയില് നിന്നുമാത്രം ഐഎസിലേക്ക് പോകാന് ഒരുങ്ങിയത്. ഇവരില് കൂടുതലും മുബൈക്കാരുമാണ്.
കഴിഞ്ഞ വര്ഷം 18 പേരാണ് ഐഎസില് പോകാനൊരുങ്ങിയത്. അവരെയും ഇങ്ങനെ മടക്കിക്കൊണ്ടുവരാന് കഴിഞ്ഞിരുന്നു.
