തൃക്കരിപ്പൂര്: ജനുവരി ആദ്യവാരത്തില് തൃക്കരിപ്പൂര് വിപിപിഎം കെപിഎസ്ജിവിഎച്ച്എസ്എസില് നടക്കുന്ന റവന്യു ജില്ലാ കലോത്സവ സംഘാടക സമിതി രൂപീകരണ യോഗം കോണ്ഗ്രസ്സ് പ്രവര്ത്തകര് അലങ്കോലപ്പെടുത്തി. ഇന്നലെ ഉച്ചക്ക് യോഗം തുടങ്ങുന്നതിന് മുമ്പ് കോണ്ഗ്രസ്സിന്റെ അധ്യാപക സംഘടനയുടെയും ഡിസിസി ജനറല് സെക്രട്ടറിമാരുടെയും നേതൃത്വത്തിലാണ് ഡിഡിയെ തടഞ്ഞു വെക്കുകയും സംഘാടക സമിതി രൂപീകരണ യോഗം അലങ്കോലപ്പെടുത്തുകയും ചെയ്യ്തത്. അടുത്തിടെ ബൈപാസ് ശസ്ത്രകിയ കഴിഞ്ഞ ഡിഡി യു.കരുണാകരന് സ്ക്കൂള് ഓഫീസില് വിശ്രമിച്ച് കൊണ്ടിരിക്കെയാണ് കോണ്ഗ്രസ്സ് പ്രവര്ത്തകര് ഓഫീസിലേക്ക് തള്ളി കയറിയത്.സംഘാടക സമിതിയില് മതിയായ പ്രധാന്യം ലഭിച്ചില്ലെന്ന് ആരോപിച്ചാണ് ഡി ഡിയെ തടഞ്ഞു വെച്ചത്. ഇതെ തുടര്ന്ന് ഡിഡിക്ക് ദേഹാസ്വാസ്ഥ്യം അനുവഭപ്പെടുക്കയായിരുന്നു. തുടര്ന്ന് യോഗം നടക്കുന്ന വേദിയിലിലേക്ക് ചാടിക്കയറിയ കോണ്ഗ്രസ്സ് പ്രവര്ത്തകരും യൂത്ത് ലീഗ് പ്രവര്ത്തകരും ഏറ്റു മുട്ടി എംഎല്എ ഇടപ്പെട്ട് ജനറല് കമ്മറ്റിയെ മാത്രമെ പ്രഖ്യാപിക്കുകയുള്ളൂ എന്ന് പറഞ്ഞതിനെ തുടര്ന്ന് കോണ്ഗ്രസ്സ് പ്രവര്ത്തകര് യോഗം ബഹിഷ്കരിച്ചു പിരിഞ്ഞു പോകുകയായിരുന്നു. എന്നാല് ജില്ലാ പഞ്ചായത്ത് നടത്തുന്ന മേളയുടെ സംഘാടനത്തില് നിന്നും പേരില്കോണ്ഗ്രസ്സിന്റെ ജില്ലാ പഞ്ചായത്ത് അംഗങ്ങളും ജനപ്രതിനിധികളുംവിട്ടു നിന്നത് ജനങ്ങളില് അമര്ഷം ഉളവാക്കിട്ടുണ്ട്.
തടഞ്ഞു വെച്ച ഡിഡിക്ക് ദേഹാസ്വാസ്ഥ്യം ജില്ലാ യുവജനോത്സവം: സംഘാടക സമിതി രൂപീകരണ യോഗം കോണ്ഗ്രസ്സുകാര് അലങ്കോലപ്പെടുത്തി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.