ഇരിട്ടി: പുന്നാട് എസ്ബിടി ശാഖക്ക് മുന്നില് ഞായറാഴ്ച ബാങ്ക് ഇടപാടുകള്ക്കായി ജനങ്ങളുടെ നീണ്ടനിര പ്രത്യക്ഷപ്പെട്ടപ്പോള് ജനങ്ങളെ സഹായിക്കാനായി ഇവര്ക്ക് സഹായ ഹസ്തവുമായി യുവമോര്ച്ച പ്രവര്ത്തകരെത്തി. ഇവര് ബാങ്ക് ശാഖക്ക് മുന്നില് ഹെല്പ്പ് ലൈന് കൗണ്ടര് തുറന്നു. വെയില് കൊണ്ട് നില്ക്കുന്നവര്ക്കായി ടാര്പോളിന് ഷീറ്റുകള് വലിച്ചു കെട്ടി. ലൈനില് തിക്കിക്കയറാന് ശ്രമിക്കുന്നവരെ ക്രമീകരിച്ചു നിര്ത്തി. ബാങ്കിനകത്ത് പണമടക്കുന്നതിനും മറ്റു ഇടപാടുകള് ചെയ്യുന്നതിനും ആവശ്യമായ ഫോമുകള് പൂരിപ്പിച്ചു നല്കുകയും നിര്ദ്ദേശങ്ങള് നല്കുകയും ചെയ്തു. ആവശ്യമുള്ളവര്ക്കെല്ലാം നാരങ്ങാ വെള്ളം അടക്കമുള്ള ദാഹജലം നല്കി. ഒഴിവു ദിവസമായ ഞായറാഴ്ച ബാങ്ക് തുറന്നു പ്രവര്ത്തിച്ചതിനെത്തുടര്ന്ന് വന് തിരക്കാണ് രാവിലെ മുതല് ബാങ്കില് അനുഭവപ്പെട്ടത്.
യുവമോര്ച്ച ജില്ലാ വൈസ് പ്രസിഡന്റ് പി.വി.അജേഷ്, മണ്ഡലം പ്രസിഡന്റ് പ്രിജേഷ് അളോറ, മറ്റു പ്രവര്ത്തകരായ അമല് പുന്നാട്, ടി.വി.വിനേഷ്, ഗിരീഷ് പാലാപ്പറമ്പ്, രജിത്ത്, മനോജ് എന്നിവര് നേതൃത്വം നല്കി.
