കണ്ണൂര്: ഇടത് സര്ക്കാര് പിന്നോക്ക സമുദായങ്ങളോട് കാട്ടുന്ന അവഗണന അവസാനിപ്പിക്കണമെന്ന് സോഷ്യലിസ്റ്റ് ജനതാദള് സംസ്ഥാന ജനറല് സെക്രട്ടറി എ.കെ.സതീഷ് ചന്ദ്രന് ആവശ്യപ്പെട്ടു. 2016-17 അധ്യയന വര്ഷത്തെ ഒബിസി സ്കോളര്ഷിപ്പിനുള്ള അപേക്ഷ സ്വീകരിക്കേണ്ട അവസാന ദിവസം ഈ മാസം 30 ആയിരിക്കേ കഴിഞ്ഞ വര്ഷത്തെ സ്കോളര്ഷിപ്പിന് അര്ഹത നേടിയ വിദ്യാര്ത്ഥികള്ക്ക് ഇന്നുവരെ അതു നല്കാന് സംസ്ഥാന സര്ക്കാര് തയ്യാറായിട്ടില്ല. പിന്നോക്ക സമുദായ വികസന വകുപ്പ് ഡയരക്ടറുടെ വെബ് സൈറ്റില് അര്ഹരായവരുടെ പേരുകള് ഉണ്ടായിട്ടും തുക കൈമാറാത്തത് സംസ്ഥാന സര്ക്കാറിന്റെ അനാസ്ഥയാണെന്നും തീയ്യ-ഈഴവ സമുദായങ്ങളെ രാഷ്ട്രീയ ചാവേറുകളാക്കുന്ന രാഷ്ട്രീയ പാര്ട്ടികള് സ്കോളര്ഷിപ്പ് പ്രശ്നത്തില് മൗനം അവലംബിക്കുന്നത് ഇരട്ടത്താപ്പാണെന്നും അദ്ദേഹം പറഞ്ഞു. നവംബര് 30 നുള്ളില് സ്കോളര്ഷിപ്പ് തുക ലഭ്യമാക്കിയില്ലെങ്കില് വിദ്യാര്ത്ഥികളെയും രക്ഷിതാക്കളെയും പങ്കെടുപ്പിച്ച് ശക്തമായ പ്രക്ഷോഭങ്ങള്ക്ക് നേതൃത്വം നല്കുമെന്നും അദ്ദേഹം പറഞ്ഞു.
ഇടത് സര്ക്കാര് പിന്നോക്ക സമുദായങ്ങളോട് കാട്ടുന്ന അവഗണന അവസാനിപ്പിക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.