വാഷിങ്ടണ്: സാമൂഹിക മാധ്യമങ്ങളില് റിപ്പബ്ലിക്കന് സ്ഥാനാര്ഥി ഡൊണള്ഡ് ട്രംപ് യുഎസ് പ്രസിഡന്റായി തെരഞ്ഞെടുക്കപ്പെട്ടതിനെ ‘പ്രകീര്ത്തിച്ച്’ കുപ്രസിദ്ധ ഭീകരസംഘടനകളായ അല് ഖ്വയ്ദയും ഇസ്ലാമിക് സ്റ്റേറ്റും (ഐഎസ്).
യുഎസിന്റെ കറുത്ത ദിനങ്ങള് തുടങ്ങിയെന്ന് പരിഹസിച്ചാണ് ട്രംപിന്റെ തെരഞ്ഞെടുപ്പിനെ ഐഎസും അല് ഖ്വയ്ദയും ‘പുകഴ്ത്തിയത്’. 9/11ന് അല് ഖ്വയ്ദയുടെ കരങ്ങള്കൊണ്ട് യുഎസ് പ്രഹരിക്കപ്പെട്ടു. 11/9ന് സ്വന്തം വോട്ടര്മാരാല് യുഎസ് വീണ്ടും പ്രഹരിക്കപ്പെട്ടിരിക്കുന്നു. സാമൂഹിക മാധ്യമങ്ങളില് ഭീകരര് പ്രചരിപ്പിച്ച പോസ്റ്റുകളിലൊന്നില് പറയുന്നു.
ജോര്ജ്ജ് ബുഷിനെപ്പോലെ നിസ്സാരനായ ട്രംപാണ് അടുത്ത നാലുവര്ഷം യുഎസിനെ സേവിക്കുകയെന്ന് ജിഹാദി അനുകൂല നെറ്റ്വര്ക്കായ അല്-മിന്ബാര് പറയുന്നു. റിപ്പബ്ലിക്കന് വിജയിച്ചതോടെ വീണ്ടും യുഎസ് നമ്പര് 1 മുഖ്യശത്രുവായി മാറിയിരിക്കുന്നു. അമേരിക്ക ചിന്നഭിന്നമാക്കുന്ന കാലഘട്ടത്തിനാണ് തുടക്കം കുറിച്ചിരിക്കുന്നതെന്ന് മറ്റൊരു പോസ്റ്റില് പറയുന്നു.
തെരഞ്ഞെടുപ്പ് വേളയില് മുസ്ലിംഭീകരതക്കെതിരെ ട്രംപ് ആഞ്ഞടിച്ചതാണ് ഭീകരസംഘടനകളെ പ്രകോപിച്ചത്.
