ചേര്ത്തല: തുറവൂര് മാധവം ബാലികാ സദനത്തില് നടന്ന പോലീസ് അതിക്രമങ്ങളില് എംഎല്എ എ.എം. ആരിഫിന്റെ പങ്ക് വ്യക്തമാക്കണമെന്ന് ബിജെപി ദക്ഷിണ മേഖലാ സെക്രട്ടറി എല്. പത്മകുമാര്. സംഘപരിവാര് സംഘടനകളുടെ നേതൃത്വത്തില് നടത്തിയ ഡിവൈഎസ്പി ഓഫീസ് മാര്ച്ചില് സംസാരിക്കുകയായിരുന്നു അദ്ദേഹം.
അതിക്രമം നടന്ന് നിമിഷങ്ങള്ക്കകം പരിവാര് പ്രവര്ത്തകര്ക്കുമേല് കുറ്റം ആരോപിച്ച എംഎല്എയുടെ ഭൂമിയിടപാടുകാരുമായും, മതതീവ്രവാദ സംഘടനകളും, ക്വട്ടേഷന് സംഘങ്ങളുമായുള്ള ബന്ധം അന്വേഷിക്കണം. അക്രമം കൊണ്ട് ആര്എസ്എസിനെ തകര്ക്കാമെന്ന് കരുതണ്ട. ഇന്ദിരാഗാന്ധിയെ പോലുള്ള തലതൊട്ടപ്പന്മാര് വിചാരിച്ചിട്ട് നടക്കാത്ത കാര്യങ്ങള് പിണറായിയുടെ ഏഴാംകൂലികളായ പോലീസുകാരെ കൊണ്ട് നടക്കില്ല. പാര്ട്ടി സെക്രട്ടറിമാരുടെ നിര്ദ്ദേശം നടപ്പാക്കാലല്ല പോലീസിന്റെ ജോലി.
നേതാക്കന്മാര്ക്ക് ദാസ്യവൃത്തി ചെയ്യുന്ന ഇത്തരക്കാരുടെ പൊയ്മുഖം സമൂഹത്തിന് മുന്നില് തുറന്നുകാട്ടുമെന്നും, മദ്യലഹരിയില് എസ്ഐ കാട്ടിയ അതിക്രമത്തിന്റെ പേരില് ആര്എസ്എസ് പ്രവര്ത്തകരെ കള്ളക്കേസില് കുടുക്കാന് ശ്രമിച്ചാല് ചെറുക്കുമെന്നും അദ്ദേഹം പറഞ്ഞു. കുത്തിയതോട് എസ്ഐ അഭിലാഷിനെ മനോരോഗ ചികിത്സയ്ക്ക് വിധേയനാക്കണമെന്നും ഇതിന്റെ ചെലവ് സംഘപരിവാര് വഹിക്കുമെന്നും ആര്എസ്എസ് ജില്ലാ സഹകാര്യവാഹ് സിനീഷ് മാധവന് പറഞ്ഞു. സേവാഭാരതിയുടെ സേവന പ്രവര്ത്തനങ്ങള് ഓരോ സ്വയംസേവകന്റെയും വിയര്പ്പാണ്. അവിടെ അതിക്രമം കാട്ടിയാല് നോക്കി നില്ക്കില്ലെന്നും അദ്ദേഹം പറഞ്ഞു.
