പത്തനാപുരം: തിരുനെല്വേലിയില് പത്തനാപുരം സ്വദേശിയായ എഞ്ചിനീയറിംഗ് വിദ്യാര്ത്ഥി കെട്ടിടത്തിന്റെ മുകളില് നിന്ന് വീണ് മരിച്ചു.
പത്തനാപുരം ചേകം ചെന്നിലമണ് അഖില്ഭവനില് അച്ചന്കുഞ്ഞ് അമ്മാളുകുട്ടി ദമ്പതികളുടെ മകന് എ.കെ.അഖില് (21) ആണ് മരിച്ചത്. തിരുനെല്വേലി സ്ക്വാഡ് എഞ്ചിനീയറിംഗ് കോളജിലെ നാലാംവര്ഷ മെക്കാനിക്കല് എഞ്ചിനീയറിംഗ് വിദ്യാര്ത്ഥിയായിരുന്നു അഖില്. സംഭവത്തെപറ്റി ബന്ധുക്കള് പറയുന്നത് ഇങ്ങനെ; സുഹൃത്തുക്കള്ക്കൊപ്പം കോളജിന് സമീപത്തെ കെട്ടിടത്തില് വാടകയ്ക്ക് താമസിക്കുകയായിരുന്നു അഖില്. രാത്രിയില് ടെറസിന് മുകളിലായിരുന്നു കിടന്നുറങ്ങിയത്. താഴേക്ക് പോകാനായി ഇറങ്ങുന്നതിനിടെ കാല് വഴുതി താഴെ വീഴുകയായിരുന്നുവത്രെ. കോളേജ് അധികൃതരാണ് ഇക്കാര്യം ബന്ധുക്കളെ അറിയിച്ചത്.
എന്നാല് മരണത്തില് ദുരൂഹതയുള്ളതായാണ് ബന്ധുക്കള് പറയുന്നത്. വിവരമറിഞ്ഞ് പത്തനാപുരത്ത് നിന്നും അഖിലിന്റെ പിതാവും സഹോദരനും ബന്ധുക്കളും ആശുപത്രിയില് എത്തിയ ശേഷമാണ് മരണവിവരം അറിയുന്നത്. തുടര്ന്ന് തിരുനെല്വേലിയിലെ സര്ക്കാര് ആശുപത്രിയില് മ്യതദേഹം പോസ്റ്റ്മോര്ട്ടം നടത്തിയ ശേഷം ബന്ധുക്കള്ക്ക് വിട്ടുനല്കി. ശനിയാഴ്ച രാത്രി ഒന്പതിന് നാട്ടില് എത്തിച്ച മൃതദേഹം പുനലൂര് താലൂക്ക് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. രാജസ്ഥാനില് നഴ്സായി ജോലിചെയ്യുന്ന മാതാവ് നാട്ടില് തിരികെയെത്തിയ ശേഷമായിയിക്കും സംസ്കാര ചടങ്ങുകള് നടക്കുക. അലക്സാണ് സഹോദരന്.
