മട്ടാഞ്ചേരി: മട്ടാഞ്ചേരി ട്രഷറിയില് ഇന്നലെ പെന്ഷന് വിതരണം മുടങ്ങി. വൃദ്ധരടക്കമുള്ള നൂറുക്കണക്കിന് ആശ്രിതര് മണിക്കൂറുകള് കാത്തിരുന്നിട്ടും പെന്ഷന് ലഭിക്കാതെ മടങ്ങി. ബിഎസ്എന്എല് ഇന്റര്നെറ്റ് ഓപ്റ്റിക്കല് ഫൈബര് തകരാറാണ് കാരണമെന്ന് പറയുന്നു. പശ്ചിമകൊച്ചിയുടെ തീരമേഖല കളിലെ ചെല്ലാനം, കണ്ണമാലി, ഫോര്ട്ടുകൊച്ചി മേഖലകളില് നിന്നുമെത്തിയവര്ക്കാണ് പെന്ഷന് ലഭിക്കാതായത്. രാവിലെ 11 മണിക്ക് ഫൈബര് തകരാറിലായതോടെ പെന്ഷന് വിതരണം പുര്ണ്ണമായും നിലച്ചു. മൂന്നുറിലേറെ ഗുണഭോക്താക്കള്ക്ക് പെന്ഷന് ലഭിച്ചില്ല. കോര് സംവിധാനമുണ്ടെങ്കിലും മറ്റു ട്രഷറികളിലും തിരക്കായതിനാല് ജനങ്ങള് വലയുകയും ചെയ്തു. ഇന്ന് വിതരണം പുനഃരാരംഭിക്കുമെന്നാണ് ട്രഷറി വൃത്തങ്ങള് അറിയിച്ചു. ഇന്റര്നെറ്റ് തകരാറ് മറ്റു സര്ക്കാര് ഓഫീസ് പ്രവര്ത്തനങ്ങളെയും ബാധിച്ചു.
‘ഇന്റര്നെറ്റ് തകരാര് : പെന്ഷന് വിതരണം മുടങ്ങി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.