നെടുമ്പാശ്ശേരി: മായം ചേര്ത്ത തേയില വില്പന നടത്താന് ശ്രമിച്ച ആളെ ഭക്ഷ്യസുരക്ഷ എന്ഫോഴ്സ്മെന്റ് വിഭാഗം പിടികൂടി. മഞ്ഞപ്ര തവളപ്പാറ സ്വദേശി സാബു മാടനേയും തേയില കൊണ്ടുവന്ന ഓട്ടോറിക്ഷയും കസ്റ്റഡിയില് എടുത്തു. ദേശീയപാത അത്താണി സിഗ്നലിന്റെ അടുത്ത് നിന്നാണ് 140 കിലോഗ്രാം തേയില ഇയാളുടെ പക്കല് നിന്ന് പിടിക്കൂടിയത്.
മായം ചേര്ത്ത തേയില അത്താണി നെടുമ്പാശ്ശേരി ഭാഗത്ത് വില്പ്പന നടത്തുന്ന രഹസ്യവിവരത്തേ തുടര്ന്ന് അധികൃതര് നിരീക്ഷണത്തിലായിരുന്നു. ഇതിന്റെ ഭാഗമായിട്ടായിരുന്നു ഇയാള് ഭക്ഷ്യ സുരക്ഷ വിഭാഗത്തിന്റെ പിടിയില് ആയത്. മൂന്ന് വര്ഷം ആയി സാബു ഇത്തരത്തില് മായം ചേര്ക്കുന്ന തേയില വില്പ്പന തുടങ്ങിയിട്ട് . തേയിലയുടെ സാമ്പിള് പരിശോധനയ്ക്കായി കാക്കനാട്ടുള്ള ലാബിലേക്ക് അയച്ചു.വ്യാജ തേയില വില്പന സംബന്ധിച്ച് ഭക്ഷ്യ സുരക്ഷ വിഭാഗം അന്വോഷണം ആരംഭിച്ചു. എറണാകുളം സീനിയര് ഫുഡ് സേഫ്റ്റി ഒഫീസര് അബ്ദുള് മജീദ്, ഓഫീസര്മാരായ ജോസ് ലോറന്സ്, സക്കീര് ഹുസൈന് എന്നിവരുടെ നേതൃത്വത്തിലാണ് വ്യാജ തേയില പിടികൂടിയത്.
