കൊടകര: ചെമ്പുചിറയില് പ്രവര്ത്തനമാരംഭിക്കുന്ന എ.സി.ഏജന്സീസ് എന്ന ചെരുപ്പ് കമ്പനിക്കെതിരെ സമരം ചെയ്തിരുന്ന സിപിഎംസമരവുമായി മുന്നോട്ട് പോകുമ്പോള് തന്നെ കമ്പനി ഉടമയില് നിന്ന് പല പ്രാവശ്യം പണം കൈപ്പറ്റിയതായി ബിജെപി മറ്റത്തൂര് പഞ്ചായത്ത് സമിതി ആരോപിച്ചു.ഇങ്ങിനെ പണം പറ്റിയതിന്റെ രസീതുകള് ഇവര് വാര്ത്താ സമ്മേളനത്തില് പ്രദര്ശിപ്പിച്ചു.സമാധാനപരമായി നടന്നിരുന്ന സമരത്തെ സിപിഎം ഹൈജാക്ക് ചെയ്ത് അക്രമാസക്തമാക്കിയത് കമ്പനി മുതലാളിയില് നിന്നും സമ്മര്ദ്ദ തന്ത്രത്തിലൂടെ കൂടുതല് പണത്തിനായി വിലപേശാനാണ്.വെളിച്ചത്ത് സമരവും ഇരുട്ടത്ത് പിരിവുമായി ജനങ്ങളെ വഞ്ചിക്കുന്ന സിപിഎം നേതൃത്വത്തിന്റെ ഇരട്ടത്താപ്പ് തിരിച്ചറിഞ്ഞതിനാലാണ് ഈ സമരത്തില് നിന്നും ബിജെപി പിന്മാറിയതെന്ന് നേതാക്കള് വാര്ത്താസമ്മേളനത്തില് പറഞ്ഞു. ബിജെപിപഞ്ചായത്ത് സമിതി പ്രസിഡണ്ട് പി.ബി.ബിനോയ്,ജനറല് സെക്രട്ടറി സി.വി.ഗിനീഷ്, ജില്ലാ സമിതി അംഗം ശ്രീധരന് കളരിക്കല് എന്നിവര് വാര്ത്താ സമ്മേളനത്തില് പങ്കെടുത്തു.
പരസ്യമായി സമരം രഹസ്യമായി പിരിവ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.