ഷാങ്ഹായി: ലോക ഒന്നാം നമ്പര് സെര്ബിയയുടെ നൊവാക് ദ്യോകൊവിച്ച് ഷാങ്ഹായി മാസ്റ്റേഴ്സ് ടെന്നീസ് ചാമ്പ്യന്ഷിപ്പിന്റെ മൂന്നാം റൗണ്ടില്. രണ്ടാമത്തേതില് ഇറ്റലിയുടെ ഫാബിയൊ ഫോഗ്നിനിയെ തുടര്ച്ചയായ സെറ്റില് കീഴടക്കി ദ്യോകൊ, സ്കോര്: 6-3, 6-3. യുഎസ് ഓപ്പണ് ഫൈനലില് സ്റ്റാനിസ്ലസ് വാവ്റിങ്കയോട് തോറ്റ ശേഷം ദ്യോകൊ കളിക്കുന്ന ആദ്യ ടൂര്ണമെന്റാണിത്.
അതേസമയം, പത്താം സീഡ് സ്പെയിനിന്റെ ഡേവിഡ് ഫെറര് ആദ്യ റൗണ്ടില് മടങ്ങി. സീഡില്ലാ താരം ഫെലിസിയാനൊ ലോപസിനോട് മൂന്നു സെറ്റില് അടിയറവു പറഞ്ഞു, സ്കോര്: 7-6, 4-6, 7-6. ബള്ഗേറിയയുടെ ഗ്രിഗര് ദിമിത്രോവ് ഫ്രാന്സിന്റെ റിച്ചാര്ഡ് ഗാസ്ക്വെറ്റിനെയും (3-6, 6-3, 6-2), ഓസ്ട്രേലിയയുടെ നിക്ക് കിര്ഗ്യോസ്, യുഎസിന്റെ സാം ക്വയറിയെയും (6-4, 6-4) കീഴടക്കി.
ഒമ്പതാം സീഡ് ജോ വില്ഫ്രഡ് സോംഗ സെര്ബിയയുടെ യാങ്കൊ തിപ്സെരെവിച്ചിനെ തോല്പ്പിച്ചു, സ്കോര്: 6-3, 7-6. ആറാം സീഡ് ഗെയ്ല് മോണ്ഫില്സ് ദക്ഷിണാഫ്രിക്കയുടെ കെവിന് ആന്ഡേഴ്സണിനെയും (7-6, 6-3) തോല്പ്പിച്ച് മൂന്നാം റൗണ്ടിലെത്തി.
