അഞ്ചരക്കണ്ടി: കഴിഞ്ഞ ദിവസം കളളുഷാപ്പിലുണ്ടായ സംഘര്ഷവുമായി ബന്ധപ്പെട്ട് വാളാങ്കിച്ചാലില് സിപിഎം പ്രവര്ത്തകന് കൊല്ലപ്പെടാന് ഇടയായ സംഭവം നിക്ഷ്പക്ഷമായി അന്വേഷിക്കണമെന്ന് ആവശ്യം ശക്തം. സംഭവത്തില് ദുരൂഹത നിലനില്ക്കുന്നതായി സംഘപരിവാര് സംഘടനകള് ചൂണ്ടിക്കാട്ടി. അതേസമയം പോലീസിന്റെ നിഷ്ക്രിയത്വമാണ് മേഖലയില് അക്രമങ്ങള് തുടര്ക്കഥയാവാന് കാരണമാകുന്നതെന്ന് നാട്ടുകാര് ചൂണ്ടിക്കാട്ടുന്നു. കഴിഞ്ഞ ഏതാനും നാളുകളായി വാളാങ്കിച്ചാല്, മാങ്ങാട്ടിടം, പാതിരിയാട് തുടങ്ങി വിവിധ സ്ഥലങ്ങളില് സംഘപരിവാര് പ്രവര്ത്തകര്ക്കു നേരെ ഏകപക്ഷീയമായി സിപിഎം നടത്തിക്കൊണ്ടിരിക്കുന്ന അക്രമങ്ങളിലൊന്നും പ്രതികളെ പിടികൂടുകയോ ശരിയായ രീതിയില് കേസെടുക്കുകയോ അന്വേഷണം നടത്തുകയോ പോലീസ് ചെയ്തിട്ടില്ല. ഏതാനും ദിവസങ്ങള്ക്ക് മുമ്പ് പാതിരിയാട് നവജിത്ത് എന്ന ആര്എസ്എസ് പ്രവര്ത്തകനെ സിപിഎം സംഘം ക്രൂരമായി അക്രമിച്ചിരുന്നു, അക്രമത്തില് കൈകാലുകള് തകര്ന്ന ഇയാള് ഇപ്പോഴും ആശുപത്രിയില് ചികിത്സയിലാണ്. ഇതിനുപുറമേ അഞ്ചരക്കണ്ടി, ശങ്കരനെല്ലൂര്, വേങ്ങാട് തുടങ്ങിയ സ്ഥലങ്ങളില് നിരവധി സംഘപരിവാര് പ്രവര്ത്തകര്ക്കും സ്ഥാപനങ്ങള്ക്കും വീടുകള്ക്കും വാഹനങ്ങള്ക്കും നേരെ സിപിഎം സംഘം കഴിഞ്ഞ കുറേ നാളുകളായി തുടര് അക്രമണങ്ങള് നടത്തി വരികയാണ്. ഈ അക്രമക്കേസുകളിലൊന്നും സിപിഎമ്മുകാരായ പ്രതികളെ നിയമത്തിനു മുന്നില് കൊണ്ടുവരാന് കൂത്തുപറമ്പ് പോലീസ് തയ്യാറായിട്ടില്ല. കൂത്തുപറമ്പ് പോലീസിന്റെ ഏകപക്ഷീയവും പക്ഷപാതപരവുമായ നിലപാടുകളാണ് തുടര് അക്രമണങ്ങളിലും കൊലപാതകങ്ങളിലും കാര്യങ്ങള് എത്തിച്ചിരിക്കുന്നത്.
അക്രമങ്ങള് ആസൂത്രിതം വാളാങ്കിച്ചാലിലെ സിപിഎം പ്രവര്ത്തകന്റെ കൊലപാതകം നിക്ഷ്പക്ഷമായി അന്വേഷിക്കണമെന്ന ആവശ്യം ശക്തം : സംഭവത്തില് ദുരൂഹത : പോലീസിന്റെ നിഷ്ക്രിയത്വം അക്രമങ്ങള് തുടര്ക്കഥയാവാന് കാരണമാകുന്നു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.