തിരുവനന്തപുരം: സപ്തംബര് ആറിന് ബിജെപിയുടെ സംസ്ഥാന കമ്മിറ്റി ഓഫീസിനു നേരെ ബോംബ് ആക്രമണം നടത്തിയവര് തന്നെയാണു കണ്ണമ്മൂലയില് വിഷ്ണുവെന്ന ബിജെപി പ്രവര്ത്തകനെ അതിക്രൂരമായി കൊലപ്പെടുത്തിയതെന്ന് ബിജെപി ജില്ലാ പ്രസിഡന്റ് അഡ്വ. എസ്. സുരേഷ് അരോപിച്ചു. ബിജെപി ഓഫീസിലേക്ക് ബോംബ് ആക്രമണം നടത്തിയവരെ കുറിച്ചു വ്യക്തമായ സൂചനകള് ലഭിച്ചിട്ടുണ്ടെന്ന് അവകാശപ്പെട്ട പോലീസിന് ഇതുവരെ പ്രതികളെ പിടികൂടാന് സാധിച്ചിട്ടില്ല. ഇത് ഒത്തുകളിയാണെന്ന കാര്യത്തില് യാതൊരു സംശയവുമില്ല. നഗരത്തില് ഇന്നലെ നടന്ന കൊലപാതകം ഉള്പ്പെടെയുള്ള എല്ലാ അക്രമ സംഭവങ്ങള്ക്കും പിന്നില് മുന് എംഎല്എ ശിവന്കുട്ടിയും രണ്ടു സിപിഎം കൗന്സിലറുമാരുമാണ്. ഈ മൂന്നുപേരെയും കസ്റ്റഡിയിലെടുത്തു ചോദ്യംചെയ്താല് സിപിഎം തിരുവനന്തപുരം നഗരത്തില് നടത്തിയ എല്ലാ അക്രമസംഭവങ്ങളിലെയും പ്രതികളെ പിടികൂടാന് സാധിക്കുമെന്നും സുരേഷ് പറഞ്ഞു. വിഷ്ണുവിനെ അതിദാരുണമായി കൊലപ്പെടുത്തിയതില് പ്രതിഷേധിച്ച് ബിജെപി പ്രവര്ത്തകര് സെക്രേട്ടറിയറ്റ് മുതല് കിഴക്കേകോട്ട വരെ പ്രകടനം നടത്തി. ബിജെപി ജില്ലാ ജനറല് സെക്രട്ടറി പാപ്പനംകോട് സജിയും മറ്റു ജില്ലാ ഭാരവാഹികളും പ്രതിഷേധ പ്രകടനത്തിനു നേതൃത്വം നല്കി.
ഓഫീസ് ആക്രമിച്ചവര് തന്നെയാണ് വിഷ്ണുവിനെയും കൊന്നത്: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.