അന്ഡോറയ്ക്കെതിരെ പോര്ച്ചുഗലിന്റെ ക്രിസ്റ്റ്യാനൊ റൊണാള്ഡൊ ഗോള് നേടുന്നു
ലിസ്ബണ്: ലോകകപ്പ് ഫുട്ബോള് യൂറോപ്യന് യോഗ്യതാ റൗണ്ടിലെ രണ്ടാം ദിനം മുന്നിര ടീമുകള്ക്ക് ജയം. സൂപ്പര് താരം ക്രിസ്റ്റ്യാനൊയുടെ നാലു ഗോള് മികവില് യൂറോപ്യന് ചാമ്പ്യന്മാര് പോര്ച്ചുഗല് എതിരില്ലാത്ത ആറു ഗോളിന് അന്ഡോറയെ തകര്ത്തു. മറ്റ് മത്സരങ്ങളില് ഫ്രാന്സ്, സ്വീഡന്, ബെല്ജിയം, ഗ്രീസ്, നെതര്ലന്ഡ്സ്, സ്വീഡന്, സ്വിറ്റ്സര്ലന്ഡ് ടീമുകളും ജയം കണ്ടു.
യൂറോകപ്പ് ഫൈനലില് പരിക്കേറ്റ് പുറത്തുപോകേണ്ടിവന്നശേഷം ആദ്യമായി ദേശീയ ടീം ജേഴ്സിയണിഞ്ഞ ക്രിസ്റ്റ്യാനൊ സമീപകാലത്തെ ഗോള്വരള്ച്ചയ്ക്ക് മിന്നും പ്രകടനത്തിലൂടെ കണക്കുതീര്ത്തു. കളി തുടങ്ങി നാല് മിനിറ്റ് മാത്രം പിന്നിട്ടപ്പോഴേക്കും രണ്ട് തവണ ലക്ഷ്യം കണ്ട ക്രിസ്റ്റ്യാനോ പിന്നീട് 47, 68 മിനിറ്റുകളിലും എതിര് വലയില് പന്തെത്തിച്ചു. ക്രിസ്റ്റ്യാനൊയുടെ കരിയറിലെ 42ാം ഹാട്രിക്കാണിത്. കരിയറിലെ ഗോള്നേട്ടം 65 ആയി. 134 മല്സരങ്ങളില്നിന്ന് നേട്ടം.
44-ാം മിനിറ്റില് കവാസോ കാന്സലോ, 86-ാം മിനിറ്റില് വാലെന്റെ സില്വ എന്നിവര് പോര്ച്ചുഗലിന്റെ മറ്റു സ്കോറര്മാര്. ആദ്യ പകുതിയില് പോര്ച്ചുഗല് 3-0ന് മുന്നിലായിരുന്നു. ചുവപ്പു കാര്ഡ് കണ്ട രണ്ടു താരങ്ങള് പുറത്തുപോയതിനെ തുടര്ന്ന് ഒമ്പതു പരുമായാണ് അന്ഡോറ മല്സരം പൂര്ത്തിയാക്കിയത്. ക്രിസ്റ്റ്യാനോ റൊണാള്ഡോയെ ഫൗള് ചെയ്തതിന് ജോര്ഡി റൂബിയോ 62-ാം മിനിറ്റിലും മാര്ക്ക് റിബസ് 71-ാം മിനിറ്റിലും പുറത്തുപോയി.
ഗ്രൂപ്പ് ബിയില് പോര്ച്ചുഗലിന്റെ ആദ്യ ജയം. പരിക്കു മൂലം റൊണാള്ഡോ പുറത്തിരുന്ന ആദ്യ യോഗ്യതാ മല്സരത്തില് സ്വിറ്റ്സര്ലന്ഡിനെതിരെ പോര്ച്ചുഗല് ഏകപക്ഷീയമായ രണ്ടു ഗോളുകള്ക്ക് തോറ്റിരുന്നു. ഫറോ ഐലന്ഡ്സിനെതിരെ തിങ്കളാഴ്ചയാണ് പോര്ച്ചുഗലിന്റെ അടുത്ത പോരാട്ടം.
ഗ്രൂപ്പിലെ മറ്റൊരു മത്സരത്തില് സ്വിറ്റ്സര്ലന്ഡ് തുടര്ച്ചയായ രണ്ടാം ജയം നേടി. രണ്ടിനെതിരെ മൂന്ന് ഗോളുകള്ക്ക് അവര് ഹംഗറിയെ കീഴടക്കി. സെഫറോവിച്ച്, റോഡ്രിഗസ്, സ്റ്റോക്കര് എന്നിവര് സ്വിറ്റ്സര്ലന്ഡിനായി ഗോള് നേടിയപ്പോള്, ഹംഗറിയുടെ ഗോളുകള് ആഡം സലായിയുടെ ബൂട്ടില് നിന്ന്. ആറു പോയിന്റുമായി സ്വിറ്റ്സര്ലന്ഡ് ഗ്രൂപ്പില് മുന്നില്. മറ്റൊരു കളിയില് ഫറോ ഐലന്ഡ് 2-0ന് ലാത്വിയയെയും പരാജയപ്പെടുത്തി. നാല് പോയിന്റുള്ള ഫറോ ഐലന്ഡ് രണ്ടാമത്.
ഗ്രൂപ്പ് എയില് കരുത്തന്മാരെല്ലാം മികച്ച വിജയം നേടി. ഫ്രാന്സ് ഒന്നിനെതിരെ നാല് ഗോളുകള്ക്ക് ബള്ഗേറിയയെയും, നെതര്ലന്ഡ്സ് ഇതേ മാര്ജിനില് ബെലാറസിനെയും തകര്ത്തു. സ്വീഡന് 1-0ന് ലക്സംബര്ഗിനെ തോല്പ്പിച്ചു. ഫ്രാന്സിനായി കെവിന് ഗമെയ്റോ (2), ഗ്രിസ്മാന്, പയറ്റ് എന്നിവര് ഗോള് നേടി. ആദ്യം ലീഡ് നേടിയത് ബള്ഗേറിയയായിരുന്നു.
ക്വിന്സി പ്രൊമോസിന്റെ ഇരട്ട ഗോളാണ് നെതര്ലന്ഡ്സിന് മികച്ച വിജയമൊരുക്കിയത്. ക്ലാസ്സനും യാന്സെനും ഓരോ ഗോള് നേടി. നാല് പോയിന്റുമായി നെതര്ലന്ഡ്സും ഫ്രാന്സും ഒന്നും രണ്ടും സ്ഥാനത്ത്. മൂന്ന് പോയിന്റുള്ള സ്വീഡന് മൂന്നാമത്.
ഗ്രൂപ്പ് എച്ചില് ബെല്ജിയം മറുപടിയില്ലാത്ത നാല് ഗോളുകള്ക്ക് ബോസ്നിയ ഹെര്സഗോവിനയെ തകര്ത്തു. 26-ാം മിനിറ്റില് എമിര് സ്പാഹിക്കിന്റെ സെല്ഫ് ഗോളിലൂടെ ലീഡ് നേടിയ ബെല്ജിയത്തിനായി 29-ാം മിനിറ്റില് ഈഡന് ഹസാര്ഡ്, 60-ാം മിനിറ്റില് ആല്ഡെര്വെയ്ല്ഡ്, 79-ാം മിനിറ്റില് റൊമേലു ലുകാകു എന്നിവരും ലക്ഷ്യം കണ്ടു. മറ്റ് കളികളില് എസ്റ്റോണിയ 4-0ന് ജിബ്രാള്ട്ടറിനെയുംഗ്രീസ് 2-0ന് സൈപ്രസിനെയും പരാജയപ്പെടുത്തി. കളിച്ച രണ്ട് കളികളും ജയിച്ച ബെല്ജിയവും ഗ്രീസും ആറ് പോയിന്റുമായി ഒന്നും രണ്ടും സ്ഥാനങ്ങളില്.
