കണ്ണൂര്: ഗാര്ഹികാവശ്യത്തിന് കെഎസ്ഇബി വിതരണം ചെയ്ത എല്ഇഡി ബള്ബുകളില് മിക്കതും പ്രകാശിക്കുന്നില്ലെന്ന് ആരോപണം. വൈദ്യുതി ഉപഭോഗം കുറച്ച് കൂടുതല് പ്രകാശം വാഗ്ദാനം ചെയ്താണ് ഇലക്ട്രിസിറ്റി ബോര്ഡ് ഡൊമസ്റ്റിക് എഫിഷ്യന്സി ലൈറ്റിംഗ് പ്രോഗ്രാം സ്കീമിലുള്പ്പെടുത്തി എല്ഇഡി ബള്ബുകള് വിതരണം ചെയ്തത്.
ഉത്തരാഖണ്ഡിലുള്ള കെന്സോ എന്ന കമ്പനിയായിരുന്നു വിതരണക്കാര്. പുതിയ എല്ഇഡി ബള്ബുകള് വൈ ദ്യുതി ഉപഭോഗത്തില് ഗണ്യമായ കുറവ് വരുത്തുമെന്നായി രുന്നു വൈദ്യുതി വകുപ്പിന്റെ വിശദീകരണം. ഭീമമായ വൈദ്യുതി ബില്ലില് നിന്ന് രക്ഷനേടാമെന്ന വിശ്വാസത്തിലാണ് ഉപഭോക്താക്കള് നിലവിലുള്ള ബള്ബുകള് മാറ്റി ഉയര്ന്ന വില നല്കി എല്ഇഡി ബള്ബുകള് വാങ്ങി യത്. എന്നാല് എല്ഇഡി ബള്ബുകള് ഉപയോഗിച്ചിട്ടും വൈദ്യുതി ചാര്ജ്ജില് കാര്യമായ കുറവില്ലെന്നാണ് ഉപഭോക്താക്കള് പറയുന്നത്. ഏതെങ്കിലും സാഹചര്യത്തില് ബള് ബുകള് പ്രകാശിക്കാതിരിക്കുകയോ മറ്റ് കംപ്ലയിന്റുകള് ഉണ്ടാവുകയോ ചെയ്താല് പഴയത് മാറ്റി പുതിയത് നല്കുമെന്ന് കെഎസ്ഇബി ഉപഭോക്താക്കളെ അറിയിക്കുകയും ചെയ്തിരുന്നു. പുതിയ ബള്ബുകള് ദീര്ഘകാലം മികച്ച വെളിച്ചം നല്കുമെന്ന് പറഞ്ഞാണ് വിതരണം ചെയ്തതെങ്കിലും മിക്കതും മാസങ്ങള്ക്കകം പണിമുടക്കുകയും ചെയ്തു. എല്ഇഡി ബള്ബുകള് മാറ്റി കിട്ടുമെന്ന പ്രതീക്ഷയില് ഇലക്ട്രിസിറ്റി ബോര് ഡിന്റെ ഓഫീസിലെത്തിയ ഉപഭോക്താക്കളോട് ഇപ്പോള് സ്റ്റോക്കില്ലെന്നും പുതിയത് എപ്പോള് വരുമെന്ന് പറയാനാവില്ലെന്നുമാണ് അധികൃതര് നല്കുന്ന വിശദീകരണം. എല്ഇഡി ബള്ബുകള് തകരാറിലായി വീടുകള് ഇരുട്ടിലായിത്തുടങ്ങിയതോടെ ഉപഭോക്താക്കള് മറ്റ് ബള്ബുകളും സിഎഫ് ലാമ്പുുപളും വാങ്ങി ഉപയോഗിച്ച് തുടങ്ങിയിട്ടുണ്ട്.
