കണ്ണൂര്: ദേശീയതലത്തില് സമ്പൂര്ണ്ണ മദ്യനിരോധനം ആവശ്യപ്പെട്ട് കേരള മദ്യനിരോധന സമിതിയുടെ നേതൃത്വത്തില് പ്രധാനമന്ത്രിക്ക് സമര്പ്പിക്കുന്ന 15 ലക്ഷം മലയാളികള് ഒപ്പിട്ട ഭീമഹരജിക്ക് കണ്ണൂര് ജില്ലയില് നിന്ന് സമാഹരിച്ച ഒരുലക്ഷം പേരുടെ ഒപ്പുകള് 11ന് മൂന്നുമണിക്ക് പഴയ ബസ്സ്റ്റാന്റ് പരിസരത്തുവെച്ച് നടക്കുന്ന ചടങ്ങില് സംസ്ഥാന കമ്മറ്റിയെ ഏല്പിക്കും. സംസ്ഥാന വൈസ് പ്രസിഡണ്ട് ഖദീജ നര്ഗ്ഗീസ് ഒപ്പുകള് ഏറ്റുവാങ്ങും. വര്ഷം തോറം 10 ശതമാനം മദ്യശാലകള് പൂട്ടാനുള്ള ഗവണ്മെന്റ് തീരുമാനം അട്ടിമറിക്കാനുള്ള പുതിയ നീക്കങ്ങളില് പ്രതിഷേധിച്ച് 11ന് കണ്ണൂരില് പ്രതിഷേധ പ്രകടനം നടത്തും. 2 മണിക്ക് മഹാത്മാമന്ദിരത്തില് നിന്ന് പ്രതിഷേധ പ്രകടനം ആരംഭിക്കും.
സംസ്ഥാന സര്വ്വീസ് പെന്ഷന്കാര്ക്കും 50 ശതമാനം പെന്ഷന് അനുവദിക്കണം
കണ്ണൂര്: കേന്ദ്ര സര്ക്കാര് നടപ്പിലാക്കിയ പെന്ഷന് പരിഷ്കരണം സംസ്ഥാന സര്ക്കാര് ജീവനക്കാര്ക്കും പെന്ഷന്കാര്ക്കും കൂടി നടപ്പിലാക്കണമെന്ന് സംസ്ഥാന സര്ക്കാരിനോട് പ്രമേയത്തിലൂടെ കേരള സ്റ്റേറ്റ് പെന്ഷനേഴ്സ് സംഘ് കണ്ണൂര് ജില്ലാ കമ്മറ്റി ആവശ്യപ്പെട്ടു. ആറാം കേന്ദ്ര ശമ്പള കമ്മീഷന് ശുപാര്ശയുടെ അടിസ്ഥാനത്തില് നടപ്പിലാക്കിയ പെന്ഷന് പരിഷ്കരണത്തെ തുടര്ന്ന് കേന്ദ്ര സര്ക്കാര് ജീവനക്കാരന് സേവന ദൈര്ഘ്യം നോക്കാതെ അവസാന ശമ്പളത്തിന്റെ 50 ശതമാനം പെന്ഷനായി നിശ്ചയിച്ചിട്ടുണ്ട്. കുടുംബ പെന്ഷനും പുതിയ സ്കെയിലിന്റെ മിനിമത്തിന്റെ 30 ശത്മാനവും ആയിരിക്കുമെന്നും കമ്മറ്റി ചൂണ്ടിക്കാട്ടി. ആദ്യ ഏഴ് വര്ഷം ഉയര്ന്ന കുടുംബ പെന്ഷന് ലഭിക്കുന്നവര്ക്ക് തസ്തികയുടെ മിനിമം ശമ്പളത്തിന്റെ 50 ശതമാനം ലഭിക്കും. ജില്ലാ പ്രസിഡണ്ട് സി.സി.രവീന്ദ്രന് മാസ്റ്റര് അധ്യക്ഷത വഹിച്ചു. സെക്രട്ടറി സുധീര് യജ്ഞദാസ് മുഖ്യപ്രഭാഷണം നടത്തി. എം.പി.ബാലന് മാസ്റ്റര്, പി.ബാലന്, എ.കെ.ഹരീന്ദ്രന് എന്നിവര് സംസാരിച്ചു. എ.കെ.രാമകൃഷ്ണന് സ്വാഗതവും പി.ടി.ദേവരാജന് നന്ദിയും പറഞ്ഞു.
