കണ്ണൂര്: കാടാച്ചിറ ഹയര് സെക്കന്ററി സ്കൂള് ഗുരുസ്മൃതി മണ്ഡപം ഉദ്ഘാടനവും പൂര്വ്വ അധ്യാപക വിദ്യാര്ത്ഥി സംഗമവും പുതിയ കെട്ടിടത്തിന്റെ ശിലാസ്ഥാപനവും 8 ന് രാവിലെ 9 മണിക്ക് നടക്കും. മുഖ്യമന്ത്രി പിണറായി വിജയന് ചടങ്ങ് ഉദ്ഘാടനം ചെയ്യും. പി.കെ.ശ്രീമതി എംപി ശിലാസ്ഥാപനം നടത്തും. ജില്ലാ പഞ്ചായത്ത് പ്രസിഡണ്ട് പൂര്വ്വ അധ്യാപക ആദരണവും കെ.കെ.നാരായണന് പൂര്വ്വ വിദ്യാര്ത്ഥി ആദരണവും നടത്തും. കടമ്പൂര് ഗ്രാമപഞ്ചായത്ത് പ്രസിഡണ്ട് കെ.ഗിരീശന് അധ്യക്ഷത വഹിക്കും.
പിടിഎ പ്രസിഡണ്ട് ജനു ആയിച്ചാങ്കണ്ടി, പബ്ലിസിറ്റി കണ്വീനര് ബിജു കടയപ്രത്ത്, പ്രധാനാധ്യാപകന് കെ.സന്തോഷ് കുമാര്, സി.രാജീവ് കുമാര്, കെ.പി.വിനീത് കുമാര് തുടങ്ങിയവര് പത്രസമ്മേളനത്തില് പങ്കെടുത്തു.
