മട്ടാഞ്ചേരി: ഇന്ത്യന് മാരിടൈം സര്വ്വകലശാലയിലെ ബിരുദ വിദ്യാര്ത്ഥികള് അനിശ്ചിതകാല നിരാഹാരം തുടങ്ങി. സര്വ്വകലശാലയ്ക്ക് കീഴിലുള്ള ബിഎസ്സി ഷിപ്പ് ബില്ഡിംഗ് ആന്റ് റിപ്പയര് ബിരുദ കോഴ്സ് എഞ്ചിനീയറിംഗ് കോഴ്സ് ആക്കി ഉയര്ത്തണമെന്ന ആവശ്യം ഉന്നയിച്ചാണ് വിദ്യാര്ത്ഥികള് ക്യാമ്പസിനുള്ളില് അനിശ്ചിതകാല നിരാഹാര സമരം തുടങ്ങിയത്.
സര്വ്വകലശാലയുടെ രാജ്യത്തെ ആറു ക്യാമ്പസുകളില് വെല്ലിംഗ്ടണ് ഐലന്റിലെ സെന്ററില് മാത്രമാണ് ഷിപ്പ് ബില്ഡിംഗ് ആന്റ് റിപ്പയര് ബിഎസ്സി ബിരുദ കോഴ്സുള്ളത്. ഇതിന് തൊഴില് സാദ്ധ്യതകള് കുറവാണെന്നും ചൂണ്ടികാട്ടി.
സര്വ്വകലശാല അടുത്ത അദ്ധ്യായന വര്ഷം മുതല് നേവല് ആര്ക്കിടെക്ചര് ആന്റ് ഷിപ്പ് കണ്സ്ട്രക്ഷന് ബിടെക് എന്ന കോഴ്സാക്കി മാറ്റുകയാണ്. ഇതാണ് വിദ്യാര്ത്ഥികള് പ്രതിഷേധവുമായി രംഗത്തെത്തിയത്.
അടുത്ത വര്ഷം പുതിയ കോഴ്സ് ആരംഭിക്കുമ്പോള് തങ്ങളുടെ കോഴ്സ് കൂടി ബിടെക് ബിരുദമായി അപ്ഗ്രേഡ് ചെയ്യണമെന്നാണ് വിദ്യാര്ത്ഥികളുടെ ആവശ്യം. മൂന്നു വര്ഷങ്ങളിലായി ഈ കോഴ്സില് എഴുപത് വിദ്യാര്ത്ഥികളാണുള്ളത്.
പഠിച്ചിറങ്ങിയാല് തൊഴില് സാധ്യതയില്ലാത്തതാണെന്ന് സര്വകലാശാല അധികൃതര് തന്നെ തിരിച്ചറിഞ്ഞ അവസ്ഥയില് തങ്ങളോട് യൂണിവേഴ്സിറ്റി അധികൃതര് നീതി പുലര്ത്തണമെന്ന് ആവശ്യപ്പെട്ട് കഴിഞ്ഞ പത്ത് ദിവസങ്ങളായി വിദ്യാര്ത്ഥികള് സമരത്തിലായിരുന്നു. പ്രതിഷേധ സമരത്തിന് ഫലം കണാതായതോടെയാണ് വിദ്യാര്ത്ഥികള് നിരാഹാര സമരത്തിന് തയ്യാറായത്.
