മലപ്പുറം: മലയാളം സര്വകലാശാലയില് വിദ്യാര്ത്ഥിനിക്ക് ജാതി വിവേചനം നേരിട്ടതായുള്ള പരാതിയില് അന്വേഷണം നടത്തിയ എസ്.സി/എസ്.ടി സെല് തെളിവുകളൊന്നും കണ്ടെത്താനായില്ലെന്ന റിപ്പോര്ട്ടാണ് സമര്പ്പിച്ചതെന്ന് രജിസ്ട്രാര് ഡോ. കെ എം ഭരതന് .
വിദ്യാര്ത്ഥിനിയുടെ ഗവേഷണ വിഷയത്തില് സര്വകലാശാലയില് ആവശ്യമായ വൈദഗ്ധ്യമുള്ള അധ്യാപകരില്ലാത്തതിനാല് കോ-ഗൈഡിനെ കണ്ടെത്താനും ലാബ് സൗകര്യം ഉപയോഗപ്പെടുത്താനും നിര്ദേശിച്ചിരുന്നു. സര്വകലാശാലാ ചട്ടങ്ങള് അനുസരിച്ച് സ്വീകരിക്കാവുന്ന എല്ലാ നടപടികളും സ്വീകരിച്ചിട്ടുണ്ടെന്നും രജിസ്ട്രാര് പറയുന്നു.
പരിസ്ഥിതി പഠന വിഭാഗത്തിലെ ഗവേഷകയായ വിദ്യാര്ത്ഥിനിയാണ് വകുപ്പ് ഡയറക്ടറായിരുന്ന ഡോ. അരുണ് ബാബു ജാതി അധിക്ഷേപവും അക്കാദമിക-മാനസിക പീഡനവും നടത്തിയെന്ന ഗുരുതരമായ ആരോപണമുന്നയിച്ചത്. ഗവേഷണവുമായി ബന്ധപ്പെട്ട മാര്ഗനിര്ദേശങ്ങള് നല്കുന്നതിന് പകരം ലാബ് വൃത്തിയാക്കല്, പൊടി തുടയ്ക്കല്, ഉപകരണങ്ങളും സാമഗ്രികളും ക്രമീകരിക്കല് തുടങ്ങിയ ജോലികളാണ് ചെയ്യിപ്പിച്ചതെന്നും അവര് ആരോപിച്ചിരുന്നു.
