മട്ടാഞ്ചേരി: കൊച്ചി നഗരത്തിന്റെ ടൂറിസം അടക്കമുള്ള വിവിധ തല മേഖലകളില് ധനസഹായവുമായി ബെല്ജിയം സംഘം മേയറുമായി ചര്ച്ച നടത്തി. കേന്ദ്ര സര്ക്കാര്, സ്മാര്ട്ട് സിറ്റി വികസന നഗരത്തില്പ്പെട്ട കൊച്ചിയുമായി സഹകരണം ലക്ഷ്യമിട്ടാണ് ബെല്ജിയം സംഘം എത്തിയത്. സ്മാര്ട്ട് സിറ്റി വികസന പദ്ധതിയില് സാങ്കേതിക പരിജ്ഞാനം വിവിധ മേഖലകളില് ഇതര സഹായങ്ങള് എന്നിവയാണ് സംഘം ലക്ഷ്യമിടുന്നത്.
ബെല്ജിയം അംബാസിഡര് ജാന് ലുക്സി ,കൗണ്സില് ജനറല് ബാര്ട്ട് ഡെലൂഫ് നേതൃത്വ 14 അംഗ സംഘമാണ് കൊച്ചി മേയര് സൗമിനി ജെയ്ന്, പാര്ലമെന്റംഗം പ്രൊഫ: കെ.വി.തോമസ്, വിവിധ സ്ഥിരം സമിതി അദ്ധ്യക്ഷന്മാര് വൈദ്യുതി, ജലവിതരണ വകുപ്പ് ഉദ്യോഗസ്ഥര്, കൊച്ചി മെട്രോ, ഇന്ഫോപാര്ക്ക്, വിവിധ വാണിജ്യ സംഘടനകള് എന്നിവരുടെ പ്രതിനിധികളുമായും ചര്ച്ച നടത്തിയത്. ഫോര്ട്ടുകൊച്ചി, മട്ടാഞ്ചേരി മേഖലയിലെ ടൂറിസം വികസനം. സൗന്ദര്യവല്ക്കരണം, സീവേജ് ഡ്രൈനേജ് സംവിധാനമൊരുക്കല്, സ്ട്രീറ്റ് ലൈറ്റുകള് എല്ഇഡിയാക്കല്, ശുചീകരണം തുടങ്ങി വിവിധ മേഖലകളാണ് ഇവര് കണ്ടെത്തിയിരിക്കുന്നതെന്ന് സ്ഥിരം സമിതി അദ്ധ്യക്ഷ ഷൈനി മാത്യു പറഞ്ഞു. സംഘം ചൊവ്വാഴ്ച മടങ്ങും.
