ഇസ്ലാമാബാദ്: കശ്മീരില് നടന്നുകൊണ്ടിരിക്കുന്ന അതിക്രമങ്ങള്ക്കെതിരെയുള്ള മറുപടിയാണ് ഉറി ഭീകരാക്രമണമെന്ന് പാക്കിസ്ഥാന് പ്രധാനമന്ത്രി നവാസ് ഷെരീഫ് ആരോപിച്ചു.
കശ്മീര് വിഷയത്തില് ഭാരതത്തിനെതിരെ ഐക്യരാഷ്ട്രസഭയില് ആരോപണമുന്നയിക്കാന് ശ്രമിച്ചെങ്കിലും അത് വിലപ്പോകാതെ വന്നതോടെയാണ് ഷെരീഫ് ഭാരതത്തിനെതിരെ കുറ്റപ്പെടുത്തലുമായി രംഗത്ത് എത്തിയത്. ന്യൂയോര്ക്കില് നടന്ന യുഎന് ജനറല് അസംബ്ലിയില് പങ്കെടുത്തശേഷം മടങ്ങവെയാണ് അദ്ദേഹത്തിന്റെ പ്രതികരണം.
പാക്കിസ്ഥാനുമേല് ഉന്നയിക്കുന്നത് യാതൊരു തെളിവുമില്ലാത്ത ആരോപണമാണ്. ഭീകരാക്രണവുമായി ബന്ധപ്പെട്ട് ഏതെങ്കിലും തരത്തിലുള്ള അന്വേഷണവും നടത്താതെയാണ് ഭാരതം പാക്കിസ്ഥാനെ കുറ്റപ്പെടുത്തുന്നത്.
ഉറി ഭീകരാക്രമണം നടന്നു മണിക്കൂറുകള്ക്കുള്ളില് അന്വേഷണം പോലും നടത്താതെ എങ്ങനെയാണ് പാക്കിസ്ഥാനുമേല് കുറ്റം ആരോപിക്കുന്നതെന്നും ഷെരീഫ് ചോദിച്ചു.
