ചെന്നൈ: കഴിഞ്ഞ ദിവസം നടത്തിയ ഒരു പ്രസംഗത്തിലൂടെ ഭാവിയില് മുഖ്യമന്ത്രിക്കസേരയില് വെല്ലുവിളി ഉയര്ത്താന് താന് എത്തുമെന്ന് പ്രഖ്യാപിച്ചിരിക്കുകയാണ്. ധനുഷ്. ഈ പ്രസംഗം ഇപ്പോള് തമിഴ്നാട്ടിലെ ട്രെന്ഡിങ് ആയിരിക്കുന്നു.
കഴിഞ്ഞ ദിവസം നടന്റെ പിറന്നാളിനോട് അനുബന്ധിച്ച് ചെന്നൈയില് ഫാൻസ് ക്ലബ്ബുകള് എല്ലാം ചേർന്ന് സംഘടിപ്പിച്ച രക്തദാന ക്യാമ്പില് പങ്കെടുത്തപ്പോള് നടൻ നടത്തിയ പ്രസംഗമാണ് വൈറലാകുന്നത്.ചടങ്ങില് നടൻ നടത്തിയ പ്രസംഗവും ആരാധകരുമായി നടത്തിയ ഇടപെടലുമെല്ലാം കാണുമ്പോള് വൈകാതെ ധനുഷ് രാഷ്ട്രീയത്തിലേക്ക് ഇറങ്ങിയേക്കുമെന്നാണ് ആളുകളുടെ വിലയിരുത്തല്.
നിർധനർക്ക് സഹായ വിതരണം നടത്തി. ആ ചടങ്ങില് ആരാധക ക്ലബ്ബിനായി പുതിയൊരു പതാകയും ധനുഷ് നല്കിയിരുന്നു. ആരാധകരുടെ ഈ ഐക്യത്തിന് വലിയൊരു ശക്തിയുണ്ടെന്നും ആ ശക്തിക്ക് നാം ഒരു ലക്ഷ്യം നല്കണമെന്നും ധനുഷ് പറയുന്നു.
“ഓഡിയോ ലോഞ്ചുകളിലും ആരാധക സംഗമങ്ങളിലും മാത്രം ഒതുങ്ങാതെ സമൂഹത്തിന് ഗുണകരമായ കൂടുതല് ക്ഷേമപ്രവർത്തനങ്ങളില് പങ്കാളികളാകണം. നിങ്ങളെക്കുറിച്ച് കൂടുതല് അഭിമാനിക്കാൻ എനിക്ക് അവസരം ലഭിക്കണം. നിങ്ങള് അത് ചെയ്യുമെന്ന കാര്യത്തില് എനിക്ക് പൂർണ വിശ്വാസമുണ്ട്” – ഇതില് നിന്നെല്ലാം വൈകാതെ രാഷ്ട്രീയത്തില് ഇറങ്ങുന്നതിന്റെ സൂചനയാണ് ധനുഷ് നല്കിയിരിക്കുന്നത്.
