എടത്വ: ടൗണ് ബോട്ട് ക്ലബ്ബ് ആഭിമുഖ്യത്തില് എടത്വ ഗ്രാമപഞ്ചായത്ത് ഏര്പ്പെടുത്തിയ ആന്റപ്പന് അമ്പിയായം എവര്റോളിംഗ് ട്രോഫിക്കുവേണ്ടിയുള്ള എടത്വ ജലോത്സവം ഇന്ന് ഉച്ചകഴിഞ്ഞ് രണ്ടിന് എടത്വ സെന്റ് ജോര്ജ്ജ് ഫൊറോനാ പള്ളിക്കടവില് നടക്കും. ഒരു തുഴ മുതല് അഞ്ച് തുഴ വരെയുള്ള തടി, ഫൈബര് വള്ളങ്ങളുടെ മത്സരവും കനോയിംഗ് കയാക്കിംഗ് പ്രദര്ശന തുഴച്ചില്, ജറ്റ് സ്കീയിംഗ്, അംഗപരിമിതരുടെ നേതൃത്വത്തില് പ്രത്യേക മത്സരങ്ങളുമാണ് സംഘടിപ്പിച്ചിരിക്കുന്നത്.
24 ന് രണ്ടിന് ചമ്പക്കുളം ബ്ലോക്ക് പഞ്ചായത്ത് പ്രസിഡന്റ് പോളി തോമസ് ജലമേള ഉദ്ഘാടനം നിര്വഹിക്കും. കിളിമാനൂര് കൊട്ടാരം രാജകുടുംബാംഗം രാമവര്മ്മ തമ്പുരാന് മുഖ്യ അഥിതിയായി മാസ്ഡ്രില് സല്യൂട്ട് സ്വീകരിക്കും. എടത്വ ഗ്രാമപഞ്ചായത്ത് പ്രസിഡന്റ് ടെസി ജോസ് അദ്ധ്യക്ഷത വഹിക്കും.
ജില്ലാ പഞ്ചായത്ത് അംഗം ബിനു ഐസക് രാജു ഫഌഗ് ഓഫ് ചെയ്യും. ബ്ലോക്ക് പഞ്ചായത്ത് അംഗം മോന്സി സോണി ലോഗോ രചന സമ്മാനദാനവും പനയന്നൂര്കാവ് ക്ഷേത്രം മുഖ്യകാര്യദര്ശി ആനന്ദന് നമ്പൂതിരി അനുഗ്രഹ പ്രഭാഷണവും ദേശീയ അന്തര്ദേശീയ മത്സരങ്ങളില് ഇന്ത്യയെ പ്രതിനിധികരിച്ച താരങ്ങളെ തലവടി ഗ്രാമപഞ്ചായത്ത് പ്രസിഡന്റ് അഡ്വ. ജനൂപ് പുഷ്പാകരന്, എടത്വ ഗ്രാമപഞ്ചായത്ത് സെക്രട്ടറി റ്റി. ഉല്ലാസ്കുമാര് എന്നിവര് ചേര്ന്ന് ആദരിക്കും. അര്ജ്ജുന അവാര്ഡ് ജേതാവ് ഒളിമ്പ്യന് സെബാസ്റ്റ്യന് സേവ്യര്, പ്രിന്സിപ്പല് എസ്.ഐ. എസ്. ശ്രീകുമാര് എന്നിവര് സമ്മാനദാനവും നിര്വഹിക്കും. പ്രസിഡന്റ് ബില്ബി മാത്യു കണ്ടത്തില് പതാക ഉയര്ത്തും.
ഡോ. ജോണ്സണ് വി. ഇടിക്കുള, സിനു രാധേയം, സജീവ് എന്.ജെ., ജയന് ജോസഫ് പുന്നപ്ര, വര്ഗീസ് മാത്യു നെല്ലിക്കല് എന്നിവര് നേതൃത്വം നല്കും.
