പയ്യന്നൂര്: പരിയാരത്ത് നിയന്ത്രണം വിട്ട ലോറി മറിഞ്ഞ് ഒമ്പത് പോത്തുകള് ചത്തു. അപകടത്തില് ലോറി ഡ്രൈവര്ക്ക് സാരമായി പരിക്കേറ്റു. പോത്തുകളെ കയറ്റി തൃശൂരില് നിന്നും കാഞ്ഞങ്ങാട്ടേക്ക് പോവുകയായിരുന്ന ലോറിയാണ് ഇന്നലെ പുലര്ച്ചെ പരിയാരം സെന്ററില് തോട്ടിലേക്ക് മറിഞ്ഞത്. അപകടത്തില് പരിക്കേറ്റ ലോറി ഡ്രൈവര് ഒറ്റപ്പാലം സ്വദേശി രാമസ്വാമിയെ പരിയാരം മെഡിക്കല് കോളേജ് ആശുപത്രിയില് പ്രവേശിപ്പിച്ചു. മറ്റൊരു വാഹനത്തിന് സൈഡ് കൊടുക്കുന്നതിനിടെയായിരുന്നു അപകടം. ലോറിയില് ആകെ 26 പോത്തുകളാണുണ്ടായിരുന്നത്. ഇതില് ഒമ്പത് പോത്തുകളെ ചത്ത നിലയില് കണ്ടെത്തി. ആറ് പോത്തുകള് വിരണ്ടോടി. മറ്റ് പോത്തുകളെക്കുറിച്ച് വിവരമൊന്നുമില്ല. അതേസമയം അപകടത്തില് ചത്ത പോത്തുകളെ അജ്ഞാതകേന്ദ്രത്തിലേക്ക് കടത്തിക്കൊണ്ടുപോയതായി പരാതിയുണ്ട്. ചത്ത പോത്തുകളെ തൃശൂരിലേക്ക് കൊണ്ടുപോയി എന്നാണ് പറയുന്നതെങ്കിലും ഇവയെ അജ്ഞാത കേന്ദ്രത്തില് വെച്ച് ഇറച്ചിയാക്കി വിറ്റതായും പറയുന്നു. വാഹനാപകടത്തില് ചത്ത പോത്തുകളെ പോസ്റ്റുമോര്ട്ടം ചെയ്യേണ്ടതുണ്ട്. എന്നാല് അതിന് തയ്യാറാകാതെ മറ്റൊരു ലോറിയില് കടത്തിക്കൊണ്ടുപോവുകയായിരുന്നു.
പരിയാരത്ത് ലോറി മറിഞ്ഞ് ഒമ്പത് പോത്തുകള് ചത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.