ഡമാസ്ക്കസ്: അന്താരാഷ്ട്ര ഭീകരസംഘടനയായ ഐഎസിന്റെ വാര്ത്താ വിതരണ മന്ത്രി വെയ്ല് ആദില് ഹസന് സല്മാന് അല് ഫയദ് സിറിയയിലെ അമേരിക്കന് വ്യോമാക്രമണത്തില് കൊല്ലപ്പെട്ടു. റാഖക്കടുത്താണ് ഇയാള് കൊല്ലപ്പെട്ടതെന്ന് പെന്റഗണ് വക്താവ് പീറ്റര് കുക്ക് അറിയിച്ചു. സപ്തംബര് ഏഴിനാണ് സഖ്യസേനയുടെ വ്യോമാക്രമണത്തില് ഡോ. വെയ്ല് എന്നും അറിയപ്പെട്ടിരുന്ന ഇയാളെ കൊന്നത്.
ഐഎസിന്റെ തലമൂത്ത ഭീകരനായ ഇയാള് ഐഎസ് ഷൂറ കൗണ്സില് അംഗമായിരുന്നു. പൈശാചികമായ കൊലപാതകങ്ങള്, പീഡനങ്ങള് എന്നിവയടക്കമുള്ളവയുടെ വീഡിയോ ചിത്രീകരണത്തിന്റെയും അവ ഇന്റര്നെറ്റ് വഴി പുറത്തുവിടുന്നതിന്റെയും ചുമതല ഇയാള്ക്കായിരുന്നു. ഐഎസ് വക്താവ് അബു മൊഹമ്മദ് അല് അദ്നാനിയുടെ വലംകൈയായിരുന്നു. അദ്നാനി ആഗസ്റ്റ് 30ന് സഖ്യസേനയുടെ വ്യോമാക്രമണത്തില് കൊല്ലപ്പെട്ടിരുന്നു.
ഈ രണ്ട് മരണങ്ങളും ഐഎസിന് വലിയ തിരിച്ചടിയാണ്. പദ്ധതികള് ആസൂത്രണം ചെയ്യാനും പണം കണ്ടെത്താനും മറ്റുമുള്ള അവരുടെ ശേഷി ഇതോടെ കുറഞ്ഞു. ഈ വര്ഷം 120ലേറെ ഐഎസ് നേതാക്കളാണ് കൊല്ലപ്പെട്ടത്.
വെയ്ല് ആദില് ഹസന് സല്മാന് അല് ഫയദ്
