വാഷിങ്ടണ്: ഇരുനൂറ് കോടി രൂപയുടെ (201,22,48,500 രൂപ) തട്ടിപ്പുകേസില് ഭാരത വംശജന് കുടുങ്ങി. എസക്സ് ഹോള്ഡിങ്സ് എന്ന കമ്പനിയുടെ മുന് മേധാവി നവീന് ശങ്കര് സുബ്രഹ്മണ്യം സേവ്യര് (44) ആണ് അറസ്റ്റിലായത്. ഇയാള്ക്ക് 20 വര്ഷം തടവ് ലഭിച്ചേക്കാം.
2010 സപ്തംബര് മുതല് 2014 മേയ് വരെ ഇയാളായിരുന്നു കമ്പനി ചീഫ് എക്സിക്യൂട്ടീവ്. ഇയാള് നൂറിലേറെ നിക്ഷേപകരില് നിന്നായി 201 കോടിയിലേറെ രൂപ (30 ദശലക്ഷം ഡോളര്) സംഭരിച്ചു. പഞ്ചസാര കയറ്റിറക്ക്, ഷിപ്പിങ്, ചിലിയില് നിന്ന് ഇരുമ്പയിര് കടത്ത് തുടങ്ങിയവയുടെ പേരിലായിരുന്നു പണം ശേഖരിച്ചത്. ഇതിന് വ്യാജരേഖകളും ഇയാള് ഉപയോഗിച്ചു.
എന്നാല് പണം ഇയാള് വകമാറ്റി ചെലവഴിച്ചു. ആര്ഭാട ജീവിതത്തിനും ഈ തുകയാണ് ഇയാള് ഉപയോഗിച്ചത്. തനിക്കും ഭാര്യക്കും വിലയേറിയ ആഭരണങ്ങള് വാങ്ങി. ആഡംബര വാഹനങ്ങള് സ്വന്തമാക്കി, സൗന്ദര്യ വര്ദ്ധനക്ക് ശസ്ത്രക്രിയയും ചെയ്തു.
പിന്നെ പുതിയ നിക്ഷേപകരില് നിന്ന് പണം വാങ്ങി തന്ത്രത്തില് പഴയ നിക്ഷേപകര്ക്ക് നല്കി. പദ്ധതി വൈകാതെ പെളിഞ്ഞു. റിയല് എസ്റ്റേറ്റിലും ഇയാള് പണമെറിഞ്ഞു. വ്യാജരേഖചമച്ച് കരാറുകള് തട്ടിയെടുത്തു. അങ്ങനെ അവയും തകര്ന്നു. നിക്ഷേപകര് പരാതി നല്കിയതോടെ ഇയാളെ പോലീസ് പൊക്കി.
