ഹൈദരാബാദ്: ഹൈദരാബാദ് സര്വ്വകലാശാല വിദ്യാര്ത്ഥി ഹോസ്റ്റല് മുറിയില് ആത്മഹത്യ ചെയ്തു. ഒന്നാം വര്ഷ ഫൈന് ആര്ട്സ് വിദ്യാര്ത്ഥി പ്രവീണ് കുമാറിനെയാണ്(25) യുഒഎച്ച് ക്യാപസിലെ 204ാം നമ്പര് മുറിയില് ഇന്നലെ രാവിലെ മരിച്ച നിലയില് കണ്ടെത്തിയത്.
ഷദ്നഗര് ജവഹര്ലാല് നെഹ്റു കോളനിയിലെ ഇടത്തരം കുടുംബമാണ് പ്രവീണിന്റേത്. സഹവാസികള് ആരുമില്ലാതിരുന്നതിനാല് പ്രവീണ് കുമാര് സുഹൃത്തിന്റെ മുറിയില് താമസിക്കുകയായിരുന്നു. നാലരയോടെ സുഹൃത്ത് സ്ഥലത്തെത്തിയപ്പോള് അകത്തു നിന്നു പൂട്ടിയിരിക്കുന്നതായി ശ്രദ്ധയില്പെട്ടു. തുടര്ന്ന് മറ്റു വിദ്യാര്ത്ഥികളെക്കൂട്ടി വാതില് തള്ളി തുറന്നപ്പോഴാണ് പ്രവീണ് ആത്മഹത്യയ്ക്ക് ശ്രമിച്ചതായി കണ്ടെത്തിയത്. ആശുപത്രിയില് എത്തിച്ചെങ്കിലും മരിച്ചു.
സാമ്പത്തിക ബാധ്യതകള് ഉണ്ടായിരുന്നില്ലെന്ന് സഹോദരന് നവീന് അറിയിച്ചു. പ്രവീണിന്റെ രണ്ട് നോട്ട്ബുക്കുകളും ലാപ്ടോപ്പും രണ്ട് മൊബൈല് ഫോണുകളും കണ്ടെടുത്തിട്ടുണ്ട്. നോട്ട്ബുക്കുകളൊന്നില് പ്രവീണ് ഇങ്ങനെ കുറിച്ചിരിക്കുന്നു: ‘എന്തുകൊണ്ട് നന്നായി പഠിക്കാന് സാധിക്കുന്നില്ല. എല്ലാത്തിനേയും എന്തുകൊണ്ട് ഭയക്കുന്നു? മറ്റുള്ളവരുമായി ഇടപെഴകാന് എന്തിന് ഭയക്കുന്നു. എന്തുകൊണ്ടാണ് തനിക്ക് എപ്പോഴും ഒരു സന്തോഷവും ഇല്ലാത്തത്? എപ്പോഴും ഏകാന്തനായി അനുഭവപ്പെടുന്നത് എന്തുകൊണ്ട്?.’
